ডিজিটেল ডেস্ক, ANEWS24X7: দিল্লীত মহিলাসকলৰ বাবে মুকলি কৰা হ’ব ১০০ খন বিশেষ মহল্লা ক্লিনিক ৷ বুধবাৰে চাৰিখন ‘মহিলা বিশেষ মহল্লা ক্লিনিক’ উদ্বোধন কৰি এই কথা ঘোষণা কৰে দিল্লীৰ মুখ্যমন্ত্ৰী অৰবিন্দ কেজৰিৱালে ৷ এই বিশেষ মহিলা ক্লিনিক সমূহত ১২ বছৰৰ তলৰ শিশু আৰু মহিলা সকলে বিনামূলীয়া চিকিৎসা সেৱা লাভ কৰিব পাৰিব ৷
বিশেষ মহিলা ক্লিনিক উদ্ধোধন কৰি দিল্লীৰ মুখ্যমন্ত্ৰী অৰবিন্দ কেজৰিৱালে কয় যে, ‘‘ এই চাৰিখন মহিলা মহল্লা ক্লিনিক মহিলাসকলৰ বাবে বিশেষ ভাবে উদ্ধোধন কৰা হৈছে ৷ এই ক্লিনিক সমূহত ১২ বছৰৰ তলৰ শিশু আৰু মহিলা সকলক বিনামূলীয়া চিকিৎসা সেৱা প্ৰদান কৰা হ’ব ৷ এই ক্লিনিক সমূহত বিনামূলীয়াকৈ স্ত্ৰীৰোগ সেৱা , পৰীক্ষা আৰু ঔষধ উপলব্ধ হ’ব ৷প্ৰথম পৰ্যায়ত মহিলা আৰু শিশু সকলৰ বাবে ১০০ খন ক্লিনিক খোলা হ’ব।এই ক্লিনিক সমূহৰ চিকিৎসক আৰু কৰ্মচাৰী সকল মহিলা হ’ব ৷’’
