ডিজিটেল ডেস্ক, anews24x7: চন্দ্ৰযান ৩: ভাৰতীয় মহাকাশ গৱেষণা সংস্থা ISROৰ চন্দ্ৰ অভিযান মহাকাশৰ দিশে আগবাঢ়িছে। শুকুৰবাৰে ভাৰতীয় মহাকাশ গৱেষণা সংস্থাই অন্ধ্ৰ প্ৰদেশৰ শ্ৰীহৰিকোটাৰ পৰা অতি প্ৰত্যাশিত চন্দ্ৰ অভিযান চন্দ্ৰযান ৩ উৎক্ষেপণ কৰে।
২০১৯ চনত চন্দ্ৰযান-২ অভিযান বিফল হোৱাৰ পিছত ভাৰতৰ এয়া তৃতীয় চন্দ্ৰ অন্বেষণ অভিযান। সতীশ ধৱন মহাকাশ কেন্দ্ৰৰ পৰা দুপৰীয়া ২.৩৫ বজাত উৎক্ষেপণ কৰা হয় চন্দ্ৰযান-৩। LVM3 Launch Vehicle Mk III য়ে চন্দ্ৰযান-৩ মহাকাশযানখনক জিঅ’ ট্ৰেন্সফাৰ অৰ্বিট (GTO) লৈ লৈ যায়।
উল্লেখযোগ্য যে চন্দ্ৰযান ৩ত লেণ্ডাৰ, ৰভাৰ আৰু প্ৰপালচন মডিউল আছে। ইয়াৰ ওজন প্ৰায় ৩৯০০ কিলোগ্ৰাম।
খবৰ অনুসৰি , এই প্ৰপালচন মডিউলে লেণ্ডাৰ আৰু ৰভাৰক ইনজেকচন কক্ষপথৰ পৰা ১০০ কিলোমিটাৰ চন্দ্ৰ কক্ষপথলৈ লৈ যাব। ইয়াৰ উপৰিও ই চন্দ্ৰ কক্ষপথৰ পৰা পৃথিৱীৰ বৰ্ণালী আৰু মেৰু মেট্ৰিক জোখ-মাখ অধ্যয়ন কৰিবলৈ স্পেক্ট্ৰ’-পোলাৰিমেট্ৰি অৱ হেবিটেবল প্লেনেটাৰী আৰ্থ (SHAPE) পেলোড কঢ়িয়াই লৈ ফুৰে।
