পাঠদানৰ মাজতে বিদ্যালয়ত ভয়ংকৰ বিস্ফোৰণ

ডিজিটেল ডেস্ক, ANEWS24x7: পশ্চিমবংগৰ তিতাগড়ত ভয়ংকৰ বিস্ফোৰণ ৷ পাঠদান চলিথকাৰ মাজতে বিদ্যালয়ত সংঘটিত হয় ভয়ংকৰ বিস্ফোৰণ ৷ বিস্ফোৰণৰ লগে লগে বিদ্যালয়খনৰ ছাত্ৰ-ছাত্ৰী আৰু শিক্ষক সকলৰ মাজত তীব্ৰ আতংকৰ সৃষ্টি হয় ৷

এই ঘটনা সংঘটিত হৈছে পশ্চিমবংগৰ তিতাগড় ষ্টেচনৰ সমীপৰ ফ্ৰী ইণ্ডিয়া হাইস্কুলত ৷ শনিবাৰে বিদ্যালয়ৰ পাঠদান চলি থকাৰ মাজতে সংঘটিত হয় ঘটনা ৷ অৱশ্যে ঘটনাটোত কোনো লোক হতাহত হোৱা নাই ৷ বিস্ফোৰণৰ খবৰ পোৱা মাত্ৰকে ঘটনাস্থলিত এটা বৃহৎ আৰক্ষীৰ দল উপস্থিত হৈ তদন্ত আৰম্ভ কৰিছে ৷ এই ঘটনা সংঘটিত হোৱাৰ পিছত অঞ্চলজুৰি চেপা উত্তেজনাৰ সৃষ্টি হৈছে ৷