আদিবাসীৰ জনজাতিকৰণ দাবীত ২৭ অক্টোবৰত কাৰ্বিআলংত আৰু ৬ নৱেম্বৰত বিশাল গণসমাবেশ কৰাৰ সিদ্ধান্ত
আদিবাসী সকলক জনজাতিকৰণ কৰা ,চাহ শ্ৰমিক সকলক ম্যাদী মাটি পট্টা প্ৰদান কৰা ,চাহ শ্ৰমিক সকলক দৈনিক মজুৰি ৫৫১ টকালৈকে বৃদ্ধি কৰা,আদিবাসী শৰণীয়া সকলক আৰু ষষ্ঠ অনুসুচীত বসবাস কৰা আদিবাসী সকলক ম্যাদী পট্টা প্ৰদান কৰাৰ দাবীত ২৭ অক্টোবৰত কাৰ্বিআলং আৰু ৬ নৱেম্বৰত ওদালগুৰি জিলাত বিশাল গণসমাবেশ কৰাৰ লগতে নৱেম্বৰ প্ৰৰ্থম সপ্তাহৰ পৰা ৰাজ্যজুৰি গণতান্ত্ৰিক আন্দোলন গণসমাবেশ ৰেলী কৰাৰ আজিৰ সভাত প্ৰস্তাৱ গ্ৰহণ কৰা হয় বুলি আছাৰ সাধাৰণ সম্পাদক দেবেন উৰাঙে এক প্ৰেছ বিবৃতি জানিবলৈ দিছে ৷
নৱেম্বৰৰ পৰা ৰাজ্যখনৰ শাসকীয় বিজেপি চৰকাৰখনৰ বিৰুদ্ধে সদৌ অসম আদিবাসী ছাত্ৰ সন্থা (আছা)ৰ কেন্দ্ৰীয় সমিতিয়ে সংগঠনটোৰ প্ৰতিখন জিলা সমিতিত শাসকীয় বিজেপি চৰকাৰৰ বিৰুদ্ধে বেনাৰ, পষ্টাৰিং আৰু দেৱাল লিখা কাৰ্যসূচী ৰূপায়ণ কৰি বৃহৎ প্ৰতিবাদ সাব্যস্ত কৰাৰ আজিৰ কায্যনিৰ্বাহক সভাত সিদ্ধান্ত গ্ৰহণ কৰিছে । সংগঠনটোৰ আজি গুৱাহাটীস্থিত বেলতলা মিচিং ভৱণৰ সভাকক্ষত আছা ৰ সভাপতি ৰেজান হৰোৰ সভাপতিত্বত অনুষ্ঠিত এখন গুৰুত্বপূৰ্ণ কাৰ্যনিবাহক সভাত এই প্ৰস্তাৱ গ্ৰহণ কৰা কৰে ৷
সংগঠনটোৰ কেন্দ্ৰীয় সমিতিৰ সভাপতি ৰেজান হ’ৰৰ সভাপতিত্বত অনুষ্ঠিত সভাখনৰ উদ্দেশ্যে ব্যাখ্যা কৰে সাধাৰণ সম্পাদক দেবেন উৰাঙে । শতাধিক কেন্দ্ৰীয় কাৰ্যনিবাহক বিষয়ববীয়া উপস্থিত থকা সভাখনত আন বহুকেইটা প্ৰস্তাৱ গ্ৰহণ কৰা হয় । ২১ তম আদিবাসী মহাসভা তিনিচুকীয়াৰ ডিগবৈ অনুষ্ঠিত কৰাৰ সিদ্ধান্ত গ্ৰহণ কৰা হয় । ১০ ডিচেম্বৰত আদিবাসী সকলৰ জনজাতিকৰণৰ দাবীত ১০ ডিচেম্বৰত দিল্লী যন্তৰ মন্তৰ ধৰ্ণা কায্যসূচী ৰূপায়ণ কৰাৰো সিদ্ধান্ত গ্ৰহণ কৰা হয় ৷
আজিৰ সভাত আছাৰ উপদেষ্টা ড° এডমাণ্ড এন্দ্ৰ চাওৰা উপ সভাপতিদ্বয় ৰাজু তিৰ্কী চাক্ৰিয়াচ চৰেণ ইছাক লাক্ৰা,ডেভিদ তিৰ্কী,এলবাৰ্ট ওঢ়েয়া সম্পাদক পুৰণ গঞ্জু ৰবিৰাম বাস্কে ,বিচাল কৰ্মকাৰ শিক্ষা সম্পাদকদ্বয় বিটুল কুৰ্মি জ্ৰেফি কণগাড়ী প্ৰতাপ সিং গড় আদি কৰি বিভিন্ন জিলা উপস্থিত আছিল বুলি সাধাৰণ সম্পাদক দেবেন উৰাঙে এক প্ৰেছ বিবৃতি যোগে জানিবলৈ দিছে ৷
