বিলখনত আচলতে কি আছে বা মন্ত্ৰীগোটৰ প্ৰতিবেদন কি আছে?

আজি  বিধান সভাৰ শীতকালীন অধিবেশনত বিজেপি নেতৃতাধীন মিত্ৰজোট চৰকাৰখনে ছয় জনগোষ্ঠীৰ জনজাতিকৰণ প্ৰতিবেদন উত্থাপন কৰিলে তাক সদৌ অসম আদিবাসী ছাত্ৰ সন্থা (আছা)ৰ সভাপতি ৰেজান হৰো আৰু সাধাৰণ সম্পাদক দেবেন উৰাঙে আদৰণি জনাইছে ৷

আজি আছাৰ প্ৰায় ২০ জনীয়া প্ৰতিনিধি দলে বিধানসভা বিল উত্থাপনৰ সময়ত পবিত্ৰ বিধানসভাত সাক্ষী হিচাপে উপস্থিত থাকি সকলো বিষয় প্ৰত্যক্ষ কৰে ৷ জনজাতি বিভাগৰ কেবিনেট মন্ত্ৰী প্ৰতিবেদন উত্থাপন কৰাৰ লগে লগে বিৰোধীয়ে আলোচনাৰ দাবী কৰিছিল যদিও অধ্যক্ষই অনুমতি প্ৰদান নকৰিলে ৷যদি আলোচনা কৰা হলে নিশ্চয় আমি গম পালো হয় বিলখনত আচলতে কি আছে বা মন্ত্ৰীগোটৰ প্ৰতিবেদন কি আছে ৷ হলেও আছাই আশাবাদী বিলখনৰ দফাসমূহ শুদ্ধ আছে বা শুদ্ধভাবে প্ৰতিবেদন তৈয়াৰ কৰিছে ৷

পূৰ্বেও কেইবাবাৰু ভূল প্ৰতিবেদন ৰাজ্য চৰকাৰে কেন্দ্ৰলৈ পঠিয়াৰ বাবে জনজাতিকৰণ নহল ৷ বিজেপিয়ে যদি আদিবাসীৰ ৩৬ টা জাতিৰ ক্ষেত্ৰত অসংবিধানিক নাম বা ভূল বা প্ৰেৰণ কৰিছে কোনোপধ্যেই আদিবাসীৰ ৩৬ টা জাতিৰ জনজাতিকৰণ নোৱাটো খাটাং ৷ আছাই পূৰ্বৰে পৰাই ভাৰতীয় সংবিধান আৰ জি আই মতে আদিবাসীৰ ৩৬ জাতিৰ জনজাতিকৰণ দাবী কৰি আহিছে আৰু সেইমতে অসমত জনজাতিকৰণ পোৱাৰো পূৰ্ণ আশা পুহি ৰাখিছে ৷ আদিবাসী সকলক যদি ST( V) ৰাজ্য চৰকাৰখনে জনজাতি ময্যদা প্ৰদান কৰিব বিচাৰিলে আছা বা ৩৬ জাতি সমাজ আদিবাসী ৰাইজ কেতিয়াও নামানে ৷

আদিবাসী সমাজৰ ৩৬ জনগোষ্ঠী আৰু ভাৰতীয় পয্যায়ত যেনেদৰে জনজাতি ময্যদা পায় আহিছে তেনেদৰে পাব বিচাৰিছে ৷ বিধানসভাৰ প্ৰতিবেদনখন আকৌ যাতে ললীপপ নহয় ভেকুভাওনা নহয় তাৰ প্ৰতি চৰকাৰখনক আছাই সকীয়নি প্ৰদান কৰিছে যদি সেইয়াই হয় আছাৰ আন্দোলন আগন্তুক দিনত তীব্ৰতৰ হব আৰু অতি ভয়ানক হব ৷ বিধান সভাত উত্থাপন হোৱা বিধেয়খন আগন্তুক নিৰ্বাচনী বৈতৰণী পাৰ হোৱাৰ পৰিকল্পনা যাতে নহয় তেনেকুৱা হলো আছাই ২০২৬ ৰ বিধানসভা নিৰ্বাচনত উৎখাৎ কৰাৰ ৰাজনৈতিক আন্দোলন ভোট বিভাজনৰ আন্দোলন তীব্ৰতৰ কৰি তুলিব ৷