ডিজিটেল ডেস্ক, ANEWS24X7: ৰাজ্যত জেহাদী আৰু PFI ৰ পিছত এইবাৰ ISI ৷ ISI ৰ সন্দেহত এইবাৰ তিনিচুকীয়ত আটক কৰা হৈছে এহাল দম্পতীক ৷ ভাৰতীয় সেনা আৰু তিনিচুকীয়া আৰক্ষীয়ে তিনিচুকীয়াৰ চিৰাপট্ৰী হোটেল সাফাইৱাৰত অভিযান চলাই আটক কৰে দম্পতি হালক ৷
সেনা আৰু আৰক্ষীয়ে আটক কৰে মহম্মদ হায়াট আৰু তেওঁৰ পত্নী ছামিনা য়াকুবক ৷ ধৃত মহম্মদ হায়াটৰ ঘৰ কৰ্ণাটকৰ হুবলিত ৷ আনহাতে চবিনা য়াকুৱৰ ঘৰ জন্মূ কাশ্মীৰত ।
বিগত ১৫ দিন ধৰি হোটেল খনত আশ্ৰয় গ্ৰহণ কৰি আছিল দম্পতী হালে । সেনা আৰু আৰক্ষীৰ ফালৰপৰা অনুষ্ঠানিক ভাৱে কোনো কথা সদৰী কোৱা নাই যদিও জেহাদীৰ সৈতে সম্পৰ্ক থকাৰ কথা সন্দেহ কৰিছে আৰক্ষীয়ে । যুৱক জনৰ পৰা সেনা আৰু আৰক্ষীয়ে কেইবাখনো ভূৱা নথি পত্ৰ উদ্ধাৰ কৰিছে। সেনা আৰু আৰক্ষীয়ে দম্পতী হালক আটক কৰি তিনিচুকীয়া আৰক্ষী থানাত মৰাথান জেৰা অব্যাহত ৰাখিছে । দম্পতী হালে কি উদ্দেশ্যৰে হোটেলখনত বাহৰ পাতি আছিল বৰ্তমানলৈকে জানিব পৰা হোৱা নাই ৷
