নেশ্যনেল ডেস্ক ANEWS24x7: ৰাষ্ট্ৰীয় নিৰাপত্তাৰ উপদেষ্টা অজিত ডোভালৰ নিৰাপত্তাত গাফিলতি । কৰ্মত গাফিলতি কৰি চাকৰি হেৰুৱাব লগা হ’ল তিনিজন চিআইএছএফৰ জোৱানে । আনহাতে দুজন জেষ্ঠ বিষয়াক দিয়া হৈছে বদলিৰ নিৰ্দেশ । চলিত বৰ্ষৰ ১৬ ফেব্ৰুৱাৰী তাৰিখে পুৱা ৭.৩০ বজাত ডোভালৰ বাসগৃহত বাংগালুৰুৰ এজন ব্যক্তিয়ে গাড়ী লৈ প্ৰৱেশ কৰিবলৈ চেষ্টা চলাইছিল । সেই সময়চোৱাত এই তিনিজন জোৱান নিৰাপত্তাৰ দ্বায়িত্বত আছিল । এই ঘটনাৰ পিছতে চিআইএছএফৰ ফালৰ পৰা এক তদন্তৰ ঘোষণা কৰা হৈছিল ।
তদন্তৰ বাবে চিআইএছএফে গঠন কৰি দিছিল এক উচ্চস্তৰিয় তদন্ত সমিতি । এই তদন্তৰ অন্তত তিনিজন জোৱান আৰু দুজন বিষয়াক তদন্ত সমিতিয়ে কৰ্তব্যত গাফিলতি কৰাৰ অপৰাধত বিহিত ব্যৱস্থা গ্ৰহণ কৰিবলৈ বিভাগীয় কৰ্তৃপক্ষক পৰামৰ্শ দিছিল ।
উল্লেখ্য যে জেট প্লাচ নিৰাপত্ত লাভ কৰা ৰাষ্ট্ৰীয় নিৰাপত্তা উপদেষ্টা অজিত ডোভালৰ নিৰাপত্তাৰ দ্বায়িত্ব চিআইএছএফৰ এটা বিশেষ গোটৰ দ্বায়িত্বত আছিল ।
