ডিজিটেল ডেস্ক, ANEWS24x7: ভোগালী বিহুৰ উৰুকাৰ দিনাই গহপুৰৰ অসম-অৰুণাচল সীমান্তত গুলীচালনাৰ ঘটনা ৷ গহপুৰৰ হেলেম চাপৰিত অসমৰ খৰিকটীয়ালৈ লক্ষ্য কৰি অৰুণাচলী দুৰ্বৃত্তৰ গুলিচালনা ৷
অৰুণাচলী দুৰ্বৃত্তৰ গুলীত গুৰুতৰ ভাৱে আহত হয় পানীৰাম ফাংচ নামৰ এজন খৰিকটীয়া ৷ খৰিকটীয়া পানিৰাম ফাংচুৰ পিঠিত ৫ টাকৈ স্থানত গুলীয়ে আঘাত কৰে ৷
পানীৰাম ফাংচুৱে এগৰাকী সতীৰ্থৰ সৈতে হেলেম চাপৰিত খৰি কাটিবলৈ গৈছিল ৷ খৰিকাটিবলৈ যাওতে অৰুণাচলী দুৰ্বৃত্তই গুলিয়াই পানীৰাম ফাংচুক ৷প্ৰাণৰ ভয়ত ঘটনাস্থলীৰ পৰা পলায়ন কৰে আনজন খৰিকটীয়া ৷
সম্প্ৰতি গুৰুতৰভাৱে আহত পানীৰাম ফাংচুক নাহৰ লগুনৰ ইটানগৰ আৰ কে মিছনত সংকটজনক অৱস্থাত চিকিৎসাধীন হৈ আছে ৷ ঘটনাস্থলীত দণ্ডাধীশ ,বনবিভাগ আৰু অসম আৰক্ষীৰ এটা দল উপস্থিত হৈ সমগ্ৰ ঘটনাৰ তদন্ত আৰম্ভ কৰিছে ৷
