- দশম শ্ৰেণীৰ শিক্ষাৰ্থীৰ বাবে ‘প্ৰেৰণা’ আঁচনিৰ শুভাৰম্ভণি মুখ্যমন্ত্ৰীৰ
- চৰকাৰী চাইকেলক লৈ কৰিলে ডাঙৰ ঘোষণা
- ৰাজ্যৰ দশম শ্ৰেণীৰ শিক্ষাৰ্থীসকলক জলপানি প্ৰদান অনুষ্ঠানটোত উপস্থিত থাকে মুখ্যমন্ত্ৰী হিমন্ত বিশ্ব শৰ্মা।
- আৰ্থিক অৱস্থা নিৰ্বিশেষে অসমত স্থায়ীভাৱে বসবাস কৰা শিক্ষাৰ্থীৰ বাবে ৰাজ্য চৰকাৰে গ্ৰহণ কৰিছে এই অভিলাষী আঁচনি।
- ২০২৫ৰ নৱেম্বৰ মাহৰ পৰা চাৰিমাহৰ বাবে দশম শ্ৰেণীৰ শিক্ষাৰ্থীৰ বাবে মাহিলি ৩০০ টকাকৈ জলপানি প্ৰদানৰ ব্যৱস্থা কৰিছে ৰাজ্য চৰকাৰে।
- এই জলপানি পাবলৈ শিক্ষাৰ্থীসকল অসম ৰাজ্যিক বিদ্যালয় শিক্ষা পৰিষদৰ অধীনৰ হ’ব লাগিব।
- আদৰ্শ বিদ্যালয়সমূহত অধ্যয়নৰত চিবিএছইৰ দশম শ্ৰেণী শিক্ষান্ত পৰীক্ষাৰ পৰীক্ষাৰ্থীসকলো যোগ্য হ’ব ‘প্ৰেৰণা’ৰ বাবে।
- অনুষ্ঠানত অংশ লৈ মুখ্যমন্ত্ৰী হিমন্ত বিশ্ব শৰ্মাই কৰিলে ডাঙৰ ঘোষণা।
- তেওঁ কয়, ‘‘এইবাৰৰ পৰা পঞ্চম শ্ৰেণীতে দিয়া হ’ব চৰকাৰী চাইকেল।
- পঞ্চম শ্ৰেণীত আৰু নৱম শ্ৰেণীত দুবাৰকৈ চাইকেল দিয়া হ’ব।’’ ‘প্ৰেৰণা’ শীৰ্ষক এই জলপানি অহা বছৰৰ পৰা ছমাহলৈ বৃদ্ধি কৰা হ’ব বুলিও ঘোষণা কৰে মুখ্যমন্ত্ৰীগৰাকীয়ে।
চৰকাৰী চাইকেলক লৈ কৰিলে ডাঙৰ ঘোষণা
