Monday, December 1, 2025
Homeঅসমব্যৱসায়ী বন্ধু বংকিম মেধিৰ কাৰ টকাৰ হিচাপ-নিকাচ কৰাৰ কথা কৈছিল জুবিন গাৰ্গে?

ব্যৱসায়ী বন্ধু বংকিম মেধিৰ কাৰ টকাৰ হিচাপ-নিকাচ কৰাৰ কথা কৈছিল জুবিন গাৰ্গে?

বৃন্দাবন থিয়েটাৰৰ প্ৰযোজক বংকিম ৰায় মেধিয়ে চিআইডি কাৰ্যালয়ত ভাষ্য প্ৰদান কৰি জুবিন গাৰ্গৰ সৈতে সম্পৰ্কিত অৰ্থনৈতিক বিষয়ক কেইবাটাও মন্তব্য কৰে বংকিম মেধিয়ে।

বংকিম মেধিয়ে কয় যে, ‘‘জুবিন মোৰ বন্ধু। ৰাইজৰ হকে আমি এটা মাৰ্ট খুলিছিলোঁ। আমি ৰাজহুৱাভাৱে মাৰ্টটো খুলিছিলোঁ ৰুক্মিনীগাঁৱত। মোৰ লুকুৱাবলৈ একো নাই। এতিয়া এটাই বিচাৰোঁ, সেয়া হ’ল জুবিনৰ ন্যায় হ’ব লাগে।

বংকিম ৰায় মেধিয়ে লগতে কয়, ‘‘জুবিনে টকা-পইছাৰ ক্ষেত্ৰত সিমান গুৰুত্ব দিয়া নাছিল। টকা-পইছাবিলাক ক’ত খৰচ হৈছে, হিচাপ নাছিল। কথাবোৰ বহুতে আহি আমাক কয়। ডিচেম্বৰ মাহৰ আগতে জুবিনকো কথাটো কৈছিলোঁ। তেতিয়া জুবিনে কৈছিল— এদিন বহি হিচাপ-নিকাচ কৰি ল’ম।’’

জুবিন গাৰ্গ সন্দৰ্ভত তেওঁৰ হাতত যি তথ্য আছে সেয়া এছআইটিক জনোৱা বুলি উল্লেখ কৰি বংকিম মেধিয়ে পুনৰ কয়, ‘‘জুবিনৰ সৈতে মোৰ ব্যৱসায়িক সম্পৰ্ক আছিল। জলজীৱন মিছনৰ ঠিকাই নহয়, জুবিনৰ লগত মোৰ বহু ব্যৱসায়িক সম্পৰ্কও আছিল। যিখিনি প্ৰাপ্য, সেই সম্পৰ্কে মই গৰিমাৰ সৈতে কথা পাতিছোঁ।’’

‘‘ব্যৱসায়িকভাৱে জুবিনক প্ৰাপ্যখিনি মই দিবলৈ সাজু। চিনেমাখন চলি যোৱাৰ পাছত মই পুনৰ গৰিমাৰ সৈতে এই সম্পৰ্কে কথা পাতিম।’’

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments