জুবিন গাৰ্গৰ ঘটনাক লৈ ডাঙৰ মন্তব্য মুখ্যমন্ত্ৰী হিমন্ত বিশ্ব শৰ্মাৰ। আজি ফেচবুক লাইভযোগে মুখ্যমন্ত্ৰী হিমন্ত বিশ্ব শৰ্মাই প্ৰতিক্ৰিয়া প্ৰকাশ কৰে।
‘অসমক কোনোপধ্যে নেপাল হ’বলৈ দিব নোৱাৰো’, ‘অসমক নেপাল কৰিব খোজাসকলৰ বিৰুদ্ধে জীৱনৰ শেষটোপা তেজ থকালৈকে যুঁজি যাম’, ‘লাগিলে তাৰ বাবে মই মৃ*ত্যুকো সাৱটি ল’ম’, জুবিনৰ মৃত্যুৰ ঘটনাৰ তদন্ত CBIক অৰ্পণৰ বাবে অমিত শ্বাহৰে যোগাযোগ মুখ্যমন্ত্ৰীৰ, তদন্তৰ বাবে ন্যায়িক আয়োগ গঠনৰ বাবে উচ্চ ন্যায়ালয়ৰ মুখ্য ন্যায়াধীশলৈয়ো পত্ৰ মুখ্যমন্ত্ৰীৰ
জুবিন আমাৰ জাতীয় সম্পদ। জ্যোতিপ্ৰসাদ আগৰৱালা, বিষ্ণু প্ৰসাদ ৰাভা, ভূপেন হাজৰিকাৰ সমকক্ষ বুলি কৈছিলো। জুবিনৰ প্ৰতি মোৰ এক ব্যক্তিগত অভূতপূৰ্ব কৃতজ্ঞতাও আছিল যে মোৰ দেউতাৰ গীতৰ সংকলন ‘ৰুণজুন’ নামৰ কেছেটটোৰ জৰিয়তে বাণীবদ্ধ আৰু ভিডিঅ’ কৰি মোক উপহাৰ দিছিল। সেই গানকেইটাই যথেষ্ট সমদৰ লাভ কৰিছিল, এজন পুত্ৰ হিচাপে তাতকৈ গৌৰৱৰ কথা একোৱেই নাছিল। কোভিডৰ সময়ত মুম্বাইৰ পৰা জুবিনক ওভতাই অনা, ডিব্ৰুগড়ৰ পৰা গ্ৰীন কৰিড’ৰেৰে নতুন দিল্লীত নি চিকিৎসা কৰা আদি ঘটনাৰ সাক্ষী হৈ আছিলো।’’
মুখ্যমন্ত্ৰীয়ে কয়, ‘‘কোনো এজন জুবিন অনুৰাগীতকৈ মই কম অনুৰাগী বুলি নাভাৱো। জুবিনক আমি গীত-মাত, সংস্কৃতিৰ মাজেৰে জীয়াই থাকিম। ৰাইজৰ দৃষ্টিত জুবিনৰ ঘটনাৰ ন্যায় লাগে। শ্যামকানু মহন্ত, সিদ্ধাৰ্থ শৰ্মা আৰু কেইবাজনকো বহু কথা সুধিব লাগিব। আইনে আইনৰ ৰাস্তা ল’ব। মই শ্যামকানু আৰু সিদ্ধাৰ্থক ক’ব বিচাৰো যে আপোনালোকে জনতাৰ ধৈৰ্যৰ সৈতে খেলিব নিবিচাৰিব। ৬ অক্টোবৰত আমি আপোনালকক চিআইডিৰ ওচৰত বিচাৰিছো, আপোনালোকে ফেচবুক লাইভ কৰি বা পত্ৰ লিখি জনতা বা আইনৰ পৰা সাৰিব নোৱাৰিব। সঁচাকৈ যদি নিৰ্দোষী সাহসেৰে আহক, চিআইডিৰ কাৰ্যালয়লৈ আহি কথা কওক। যদি চিআইডিক ক’ব নিবিচাৰে আদালতত কওক। ৰাইজৰ ক্ষোভৰ সৈতে খেলা নকৰিব।’’
‘‘মুখ্যমন্ত্ৰী হিচাপে স্পষ্ট সকীয়নি দিব বিচাৰিছো, ৬ অক্টোবৰত গুৱাহাটীলৈ আহি আপোনালোকৰ মন্তব্য বক্তব্য আগবঢ়াওক। আইনে আইনৰ মাজেৰে গতি কৰিব। এটা কথা সকলোকে স্পষ্ট কৰি দিব বিচাৰিছো, কোভিডৰ সময়তো অসমৰ জনতাক এৰা নাছিলো, বানপানীৰ সময়তো এৰা নাছিলো
