ডিজিটেল ডেস্ক, ANEWS24x7: ধাৰাষাৰ বৰষুণৰ ফলত খহি পৰিল লালকিল্লাৰ মূল গেট লাহোৰী গেট অঞ্চলৰ এটা ঘৰৰ চাদ ৷ এই ঘটনাৰ ফলত নিহত হৈছে তিনিজন লোক৷ আনহাতে ৫ লোক গুৰুত্বৰভাবে আহত হৈছে ৷ দেওবাৰে সন্ধিয়া সংঘটিত হৈছে এই ঘটনা ৷ ঘটনাস্থলিত অগ্নি নিৰ্বাপন বাহিনীৰ এটা উদ্ধাৰকাৰী দল উপস্থিত হৈ উদ্ধাৰ অভিযান চলায় ৷
দিল্লীৰ অগ্নি নিৰ্বাপক সঞ্চালক অতুল গাৰ্গে ঘটনা সন্দৰ্ভত কয় যে,‘‘দেওবাৰে সন্ধিয়া প্ৰায় ৭.৩০ বজাত দুৰ্ঘটনাটোৰ বিষয়ে অৱগত হৈছিলো ।খবৰ লাভ কৰা মাত্ৰকে পাঁচখন নিৰ্বাপক বাহিনীৰ গাড়ী ঘটনাস্থলীলৈ প্ৰেৰণ কৰা হৈছিল। ঘটনাটোৰ ফলত তিনিজন লোক নিহত হোৱাৰ লগতে পাঁচজন লোক গুৰুত্বৰভাবে আহত হৈছে । আহতসকলক স্থানীয় চিকিৎসালয়ত ভৰ্তি কৰোৱা হৈছে।’’
বৰ্তমানলৈকে ধ্বংসস্তূপত কিমানজন লোক আৱদ্ধ হৈ আছে সেয়া নিশ্চিত হোৱা নাই ৷ অগ্নি নিৰ্বাপক বাহিনীৰ প্ৰাৰম্ভিক অনুসন্ধান আনুসৰি কমেও ৩-৪ জন লোক এই ধ্বংসস্তূপত অৱদ্ধ হৈ আছে ৷ তেওঁলোকক উদ্ধাৰ কৰিবলৈ চেষ্টা কৰা হৈছে ৷
