পঞ্চভূতত বিলীন অভিনেতা ধৰ্মেন্দ্ৰ। পুত্ৰ ছানি দেউলে অশ্ৰুসিক্ত নয়নেৰে কৰিলে পিতৃৰ মুখাগ্নি। মুম্বাইৰ পৱন হংস শ্মশানত সম্পন্ন ধৰ্মেন্দ্ৰৰ শেষ কৃত্য সম্পন্ন।পাপাৰাজিৰ পৰা নিলগে সম্পন্ন কৰা হ’ল শেষ কৃত্য।
বলীউডৰ ‘বীৰু’।বলীউডত এতিয়া শোকৰ ছাঁ। বলীউডৰ প্ৰবীণ অভিনেতা ধৰ্মেন্দ্ৰৰ দেহাৱসান। মুম্বাইৰ নিজ বাসগৃহতে শেষ নিশ্বাস ত্যাগ কৰে বলীউডৰ কিংবদন্তি অভিনেতাগৰাকীৰ। দীৰ্ঘদিন ধৰি অসুস্থ হৈ আছিল ধৰ্মেন্দ্ৰ।
উল্লেখ্য যে, চলিত বছৰত ধৰ্মেন্দ্ৰৰ চকুৰ গ্ৰাফ্টৰ অস্ত্ৰোপচাৰ কৰা হৈছিল। অহা ৮ ডিচেম্বৰত ৯০ বছৰত ভৰি দিলেহেঁতেন বলীউদৰ চুপাৰষ্টাৰ তথা প্ৰবীন অভিনেতাজনে। শেহতীয়াকৈ মুক্তি পাব লগা ‘ইক্কিজ’ নামৰ এখন নতুন চিনেমাতো অভিনয় কৰিছিল ধৰ্মেন্দ্ৰই। এজন বীৰযোদ্ধাৰ কাহিনীৰে নিৰ্মাণ কৰা এই আত্মজীৱনিমূলক ছবিখনত অভিনয় কৰিছিল ধৰ্মেন্দ্ৰই। তেওঁৰ সৈতে অভিনয় কৰিছে অমিতাভ বচ্চন, অগস্ত্য নন্দ আদি অভিনেতাই। বলীউডৰ চুপাৰষ্টাৰ ধৰ্মেন্দ্ৰৰ মৃত্যুত শোকাহত দেশবাসী।
১৯৩৫ চনৰ ৮ জানুৱাৰীত পঞ্জাৱত জন্মগ্ৰহণ কৰিছিল। বলীউদৰ হি-মেন হিচাপে খ্যাত আছিল ধৰ্মেন্দ্ৰ। ৩০০ৰো অধিক ছবিত অভিনয় কৰিছিল ধৰ্মেন্দ্ৰই। ১৯৬০ চনত ছবিজগতত আত্মপ্ৰকাশ কৰিছিল। দেশৰ তৃতীয় সৰ্বোচ্চ অসামৰিক সন্মান পদ্মভূষণ লাভ কৰিছিল। দেশৰ নিম্ম সদনলৈও নিৰ্বাচিত হৈছিল প্ৰবীণ অভিনেতাগৰাকী।
১৯৬০ চনত ‘দিল ভি তেৰা, হম ভি তেৰে’ ছবিখনৰ যোগেদি ছবিজগতত আত্মপ্ৰকাশ কৰিছিল ধৰ্মেন্দ্ৰই। তাৰ পিছত আৰু পিছলৈ ঘূৰি চাবলগীয়া হোৱা নাছিল ধৰ্মেন্দ্ৰই। ১৯৬৮ চনত ‘আঁখে’, ১৯৭১ চনত ‘মেৰা গাঁও মেৰা দেশ’, ১৯৭২ত ‘সীতা অৌৰ গীতা’, ১৯৭৫ চনত ছুপাৰহিট ছবি ‘শ্বোলে’, ১৯৭৭ চনত ‘ধৰম বীৰ’, ১৯৮৭ চনত লৌহা, ১৯৮০ চনত ‘আলীবাবা অৰ ৪০ চৌৰ’, ১৯৭৭ চনত ‘ড্ৰীম গাৰ্ল’ আদিৰ দৰে বহু জনপ্ৰিয় ছবি উপহাৰ দি গ’ল ধৰ্মেন্দ্ৰই। ২০০৭ চনত ‘আপনে’, ২০১১ চনত ‘আমলা পাগল দিৱানা’ ছবি খলকনি তুলিছিল বলীউডত।
