ডিজিটেল ডেস্ক, ANEWS24X7: ৰাজ্য চৰকাৰে ঘোষণা কৰিলে অসম চৰকাৰৰ সৰ্বোচ্চ অসামৰিক সন্মান অসম বৈভৱ , অসম গৌৰৱ আৰু অসম সৌৰভ বঁটা ৷ বুধবাৰে ৰাজ্যিক কেবিনেটৰ বৈঠকৰ অন্তত সংবাদমেল যোগে বঁটা পাপক সকলৰ নাম ঘোষণা কৰে মুখ্যমন্ত্ৰী হিমন্ত বিশ্ব শৰ্মাই ৷
ৰাজ্যিক কেবিনেটৰ সিদ্ধান্ত অনুসৰি অসম বৈভৱ বঁটা আগবঢ়োৱা হৈছে আন্তঃৰাষ্ট্ৰীয় কেন্সাৰ চিকিৎসক ডাঃ তপন শইকীয়ালৈ ৷ অসম সৌৰভ বঁটা অগবঢ়োৱা হৈছে কৃষ ৰয় , গীলবৰ্টছন ছাংমা , নয়নমণি শইকীয়া , বিনয় কুমাৰ শইকীয়া আৰু ডাঃ শশীধৰ ফুকনলৈ।
আনহাতে অসম গৌৰৱ বঁটা আগবঢ়োৱা হৈছে ধৃতিমালা ডেকা, ডাঃ দেৱজিৎ বৰ্মন, ৰূস্তম বসুমতাৰী, মাঞ্জেলা , বিনন্দ হাতীবৰুৱা , অতুল চন্দ্ৰ বৰুৱা, কল্যাণী ৰাজবংশী , শীলা গোৱালা , ডাঃ যোগেশ দেউৰী , পংকজলাল গগৈ, সৰ্বেশ্বৰ বসুমতাৰী, মানথাং মাৰ , ড০ ধ্ৰুৱজ্যোতি শৰ্মা , দয়াল গোস্বামী আৰু ছৈয়দ ইফতিকাৰ আহমেদলৈ।
অৱশ্যে বৰ্তমানলৈকে এই বঁটাসমূহ প্ৰদানৰ কোনো নিৰ্দিষ্ট দিন ঘোষণা কৰা হোৱা নাই ৷ কোনো এটা ভাল দিনত এই বঁটা সমূহ প্ৰদান কৰা হ’ব বুলি সংবাদ মেলত সদৰি কৰে মুখ্যমন্ত্ৰী হিমন্ত বিশ্ব শৰ্মাই ৷
