ডিজিটেল ডেস্ক ANEWS24X7: দেওবাৰে ৰাজ্যৰ ২৫ খন জিলাত অনুষ্ঠিত হৈছে চতুর্থ বৰ্গৰ নিযুক্তি প্ৰক্ৰিয়াৰ লিখিত পৰীক্ষা । প্ৰথম ভাগত পুৱা ১০ বজাৰ পৰা ১২ বজালৈ আৰু দ্বিতীয় ভাগত আবেলি ২ বজাৰ পৰা ৪ বজালৈ এই পৰীক্ষা অনুষ্ঠিত হ’ব । ইতিমধ্যে পৰীক্ষা অনুষ্ঠিত হোৱা জিলা কেইখনত ইন্টাৰনেট সেৱা পুৱাৰ ভাগৰ পৰা কৰ্তন কৰা হৈছে ।
পৰীক্ষা সুচাৰুৰূপে অনুষ্ঠিত কৰিবৰ বাবে জিলা প্ৰশাসনৰ তৰফৰ পৰা কটকটীয়া নিৰাপত্তাৰ ব্যৱস্থা গঢ়িতোলা হৈছে । জিলা প্ৰশাসনে পৰীক্ষা কেন্দ্ৰৰ ১০০ বৰ্গ মিটাৰ ব্যাসাৰ্ধৰ ভিতৰত জাৰি কৰিছে ১৪৪ ধাৰা । উল্লেখ্য যে দেওবাৰে ৰাজ্যত অনুষ্ঠিত হোৱা চতুৰ্থ বৰ্গৰ পৰীক্ষাৰ বাবে ৰাজ্যৰ ৪,৪৩,৬৫৫ গৰাকী পৰীক্ষাৰ্থী অৱতীৰ্ণ হ’ব ।
