ডিজিটেল ডেস্ক, A NEWS 24×7 : অসমৰ প্ৰাক্তন ৰাজ্যপাল লেফটেনেণ্ট জেনেৰেল অজয় সিঙৰ মঙলবাৰে পুৱা দেহাৱসান ঘটে। ১৯৬৫ আৰু ৭১ চনৰ যুদ্ধৰ প্ৰবীণ যুদ্ধা, ২০০৩ চনৰ পৰা ২০০৮ চনলৈকে অসমৰ ৰাজ্যপাল হিচাপে কাৰ্যনিৰ্বাহ কৰিছিল অজয় সিঙে । উত্তৰ-পূব পৰিষদৰ (NEC) অধ্যক্ষও আছিল অজয় সিঙ। অসমৰ মুখ্যমন্ত্ৰী হিমন্ত বিশ্ব শৰ্মাই যুদ্ধৰ প্ৰবীণ গৰাকীৰ মৃত্যুত শোক প্ৰকাশ কৰাৰ লগতে জাতিলৈ আগবঢ়োৱা অৱদানৰ কথা স্মৰণ কৰে।
টুইটাৰলৈ লৈ মুখ্যমন্ত্ৰীৰ কাৰ্যালয়ে লিখিছে, “অসমৰ প্ৰাক্তন ৰাজ্যপাল তথা ১৯৬৫ & ‘৭১ চনৰ যুদ্ধৰ প্ৰবীণ লেফটেনেণ্ট জেনেৰেল অজয় সিঙৰ মৃত্যুত মুখ্যমন্ত্ৰী ড০ হিমন্ত বিশ্ব শৰ্মাই গভীৰ শোক প্ৰকাশ কৰিছে।
“১৯৩৪ চনৰ ২০ নৱেম্বৰত ৰাজস্থানত জন্মগ্ৰহণ কৰা সিঙে মেয়ো কলেজ আৰু মাদ্ৰাজ বিশ্ববিদ্যালয়ত অধ্যয়ন কৰে। পিছলৈ ভাৰতীয় সেনাবাহিনীত যোগদান কৰে। ১৯৬৫ আৰু ১৯৭১ চনৰ ভাৰত-পাকিস্তান যুদ্ধত তেওঁ সক্ৰিয় ভূমিকা পালন কৰিছিল।
