নিলাম কৰা হ’ব প্ৰধানমন্ত্ৰী মোদীয়ে লাভ কৰা উপহাৰ

ডিজিটেল ডেস্ক ANEWS24X7: নিলাম কৰা হ’ব প্ৰধানমন্ত্ৰী মোডীয়ে লাভ কৰা ১২০০ তকৈ অধিক উপহাৰ সামগ্ৰী ৷ ১৭ ছেপ্টেম্বৰৰ পৰা ১২ অক্টোবৰলৈ নিলাম কৰা হ’ব এই উপহাৰ সমূহ ৷ প্ৰধানমন্ত্ৰী নৰেন্দ্ৰ মোডীৰ জন্মদিন উপলক্ষে আয়োজন কৰা হৈছে এই নিলাম ৷ pmmenmentos.gov.in ৱেব পৰ্টেলৰ যোগেদি নিলাম পৰিচালনা কৰা হ’ব এই নিলাম ৷ এই কথা সদৰি কৰে নেশ্যনেল গেলাৰী অৱ মৰ্ডান আৰ্টৰ সঞ্চালক প্ৰধান অদ্বৈত গড়নায়কে ৷

এই সন্দৰ্ভত নেশ্যনেল গেলাৰী অৱ মৰ্ডান আৰ্টৰ সঞ্চালক প্ৰধান অদ্বৈত গড়নায়কে কয় যে , নিলাম কৰিবলগীয়া সামগ্ৰীসমূহতৰ মূল্য ১০০ টকাৰ পৰা ১ লাখ টকালৈ ধাৰ্য্য কৰা হৈছে ৷ মোদীৰ উপহাৰ সামগ্ৰীসমূহৰ মাজত আছে মধ্য প্ৰদেশৰ মুখ্যমন্ত্ৰী শিৱৰাজ চৌহানে দিয়া ৰাণী কমলাপতিৰ মূৰ্তি , উত্তৰ প্ৰদেশৰ মুখ্যমন্ত্ৰী আদিত্যনাথে দিয়া হনুমানৰ মূৰ্তি তথা সূৰ্যৰ এখন পেইন্টিং , হিমাচলৰ প্ৰদেশৰ মুখ্যমন্ত্ৰী জয়ৰাম ঠাকুৰে উপহাৰ হিচাপে দিয়া এপাত ত্ৰিশূল লগতে আন কেইবাটাও ৰাজ্যৰ মুখ্যমন্ত্ৰী সকলে দিয়া উপহাৰসমূহ ৷

এই সামগ্ৰীৰ তালিকাত আছে বাৰ্মিংহাম কমনৱেলথ গেমছত পদক বিজয়ী খেলুৱৈসকলে স্বাক্ষৰ কৰি দিয়া টি-ছাৰ্ট,বক্সিং গ্ল’ভছ ,জেভলিন আদিও ৷