ডিজিটেল ডেস্ক ANEWS24X7: বিদ্যাৰ মন্দিৰত এইবাৰ গুলীচালনাৰ ঘটনা ৷ শনিবাৰে হাৰিয়ানাৰ মহষি দয়ানন্দ বিশ্ববিদ্যালয়ত সংঘটিত হৈছে এই ঘটনা ৷ আৰক্ষীৰ প্ৰাথমিক অনুসন্ধানত আৰ্থিক বিবাদৰ ফলতে এই ঘটনাটো সংঘটিত হৈছে বুলি জানিব পৰা গৈছে ৷
গুলীচালনাৰ ঘটনাৰ ফলত দুজন ছাত্ৰ সহ চাৰিজন লোক আহত হৈছে ৷ বিশ্ববিদ্যালয়খনৰ উপাচাৰ্য বান্দাৰু দত্তাত্ৰেয়ে বিশ্ববিদ্যালয়ৰ এক অনুষ্ঠানত অংশ গ্ৰহণ কৰি চৌহদ এৰি যোৱাৰ পিছতে সংঘটিত হয় এই গুলীচালনাৰ ঘটনা ।
আনহাতে এই ঘটনাৰ লগত তিনিজন ব্যক্তি জড়িত থকা বুলি ধাৰণা কৰিছে আৰক্ষীয়ে । ঘটনাটো সংঘটিত কৰিয়ে সেই স্থানৰ পৰা পলায়ণ কৰে দুস্কৃতিকাৰী ৷ এই সন্দৰ্ভত ঘটনাটোৰ তদন্তকাৰী বিষয়া এছএইচঅ প্ৰমোদ গৌতমে কয় যে ,‘‘ আমি সম্পূৰ্ণ ঘটনাৰ তদন্ত কৰি আছো ৷ প্ৰাথমিক অনুসন্ধান্ত এই ঘটনাৰ আঁৰত আৰ্থিক বিবাদ জৰিত আছে বুলি জানিব পৰা গৈছে ৷ আহত সকলক চিকিৎসালয়ত ভৰ্তি কৰোৱা হৈছে ৷ ইয়াৰে এজন ব্যক্তিৰ অৱস্থা সংকটজনক ৷’’
