ডিজিটেল ডেস্ক, ৭আগষ্ট: আকৌ সোমবাৰৰ অনুৰূপ ঘটনা ঘটিব নেকি গুৱাহাটীত? এজাক বৰষুণৰ পিছতে মহানগৰীৰ প্ৰান্তে প্ৰান্তে বানৰ সৃষ্টি হোৱা পৰিলক্ষিত হৈছে। সোমবাৰে হোৱা বান এতিয়া শুকুৱা নাই মহানগৰীৰ বহু স্থানত। তেনে সময়তে আজি বিয়লি পুনৰ এজাক বৰষুণে বুৰাই পেলালে মহানগৰীৰ বিভিন্ন প্ৰান্ত।
মহানগৰীত বৰষুণ আৰম্ভ হোৱাৰ লগে লগে গুৱাহাটীবাসীলৈ মুখ্যমন্ত্ৰীয়ে জনালে বিশেষ আহ্বান। মহানগৰবাসীক ভিতৰতে থকাৰ আহ্বান জনালে মুখ্যমন্ত্ৰী হিমন্ত বিশ্ব শৰ্মাই। লগতে অপ্ৰয়োজনত যান-বাহন ব্যৱহাৰ নকৰাৰ বাবেও আহ্বান জনায় মুখ্যমন্ত্ৰীয়ে। এক্সযোগে এটা পোষ্ট কৰি মুখ্যমন্ত্ৰীয়ে জি এছ ৰোড আৰু ডাউন টাউন হাস্পতালৰ দিশে নাযাবলৈও জনসাধাৰণক আহ্বান জনায়।
