ডিজিটেল ডেস্ক,২৯ ছেপ্তেম্বৰ: কংগ্ৰেছ নেতা ভূপেন বৰাই দাবী কৰে যে যদিহে ভাৰতীয় জনতা পাৰ্টিয়ে মুখ্যমন্ত্ৰীৰ পদৰ বাবে অসমত গোপন ভোটগ্ৰহণ প্ৰক্ৰিয়া চলায় তেন্তে হিমন্ত বিশ্ব শৰ্মাই মাত্ৰ ১১টা ভোটহে লাভ কৰিব।লখিমপুৰ জিলাত এক সভাত ভাষণ দি মূখ্যমন্ত্ৰী গৰাকী বিৰুদ্ধে এইদৰে বিস্ফোৰণ ঘটায় কংগ্ৰেছ নেতা গৰাকীয়ে ।
কংগ্ৰেছ নেতাগৰাকীৰ মতে “বিজেপিৰ তিনিজন কেবিনেট মন্ত্ৰীয়ে কোৱা অনুসৰি সৰ্বানন্দ সোণোৱাল আৰু হিমন্ত বিশ্ব শৰ্মাৰ মাজত মুখ্যমন্ত্ৰী পদৰ বাবে গোপন ভোটদান হলে ৰাজ্যিক বিজেপিৰ বিধায়কৰ মাজৰ পৰা হিমন্ত বিশ্ব শৰ্মাইহে পাব মাত্ৰ “১১ভোট” ।তদুপৰি, কংগ্ৰেছ নেতাজনে হিমন্ত বিশ্ব শৰ্মাক মুখ্যমন্ত্ৰীৰ দায়্ত্বৰ বিষয়ে তেওঁৰ দলে কি ভাবে সেয়া চাবলৈ গোপন ভোটদান ব্যৱস্থা লবলৈ কয় ।
লগতে আতমবিশ্বাসেৰে কয় যে তেওঁলোকৰ মাত্ৰ ১১ জনেহে ভোট দিব ।কাৰণ যিজনে বৰ্তমান অসমত ছিণ্ডিকেট চলাই আছে।ভূপেন বৰাই লগতে অভিযোগ কৰে যে তেওঁৰ সূত্ৰ অনুসৰি নতুনকৈ নিযুক্তি পোৱা বিজেপি নেতাসকলেও বিজেপিৰ প্ৰবীণ নেতা ৰাজেন গোহাঁই আৰু সিদ্ধাৰ্থ ভট্টাচাৰ্যৰ বিৰুদ্ধে নিজৰ মতামত প্ৰকাশ কৰে।
ভূপেন বৰাই লগতে দাবী কৰে যে কেইবাজনো কংগ্ৰেছ নেতাই দল এৰি কেশৰ দললৈ প্ৰব্ৰজন কৰাৰ পিছত কংগ্ৰেছ এতিয়া পৰিষ্কাৰ হৈ পৰিছে।ইয়াৰ পূৰ্বে আজি লখিমপুৰ জিলাৰ কেইবাজনো জ্যেষ্ঠ বিজেপি নেতাই ভাৰতীয় জাতীয় কংগ্ৰেছ দলত যোগদান কৰিছে।আজি ভোগপুৰত অসম প্ৰদেশ কংগ্ৰেছ কমিটীৰ সভাপতি ভূপেন কুমাৰ বৰাৰ উপস্থিতিত অনুষ্ঠিত হয় এই প্ৰবন্ধন অনুষ্ঠান।
লখিমপুৰ জিলাৰ তিনিগৰাকী ছাত্ৰ নেতাৰ লগতে বিজেপিৰ ১৪ গৰাকী জ্যেষ্ঠ নেতাই বিজেপি দলত বিৰক্ত হোৱাৰ অভিযোগ উত্থাপন কৰি কংগ্ৰেছ দলত যোগদান কৰে।
