ডিজিটেল ডেস্ক, ANEWS24X7: ভাৰতীয় সেনা আৰু অসম ৰাইফলে সংকটগ্ৰস্ত মণিপুৰত এতিয়ালৈকে ২৩ হাজাৰ সাধাৰণ নাগৰিকক উদ্ধাৰ কৰি অপাৰেটিং বেছলৈ লৈ যোৱা বুলি দেওবাৰে ভাৰতীয় সেনাই এক বিবৃতিত প্ৰকাশ কৰিছে।
মণিপুৰৰ চুৰাচান্দপুৰ জিলাত জীৱনটো স্বাভাৱিক অৱস্থালৈ ঘূৰি অহাৰ লগে লগে দেওবাৰে পুৱা কাৰ্ফিউ শিথিলতাৰ সময়ছোৱাত মানুহে ঘৰৰ পৰা ওলাই আহি খাদ্য, ঔষধ আৰু অন্যান্য অত্যাৱশ্যকীয় সামগ্ৰী ক্ৰয় কৰা দেখা গৈছিল।
ইফালে, প্ৰতিৰক্ষাৰ এগৰাকী মুখপাত্ৰই জনোৱা মতে, ইম্ফল উপত্যকাৰ ভিতৰত ইউএভি (মানৱবিহীন বিমান)ৰ চলাচল আৰু হেলিকপ্টাৰ পুনৰ নিয়োগ কৰাৰ জৰিয়তেও সেনাই বিমান চোৱাচিতা বহু পৰিমাণে বৃদ্ধি কৰিছে।
