ডিজিটেল ডেস্ক, ১৫জুলাইঃ আই এম ডি গুৱাহাটীয়ে আগন্তুক তিনি ঘণ্টাত অসমৰ কেইবাখনো জিলাত ধুমুহা আৰু বজ্ৰপাতৰ লগতে মধ্যমীয়া বৰষুণৰ ভৱিষ্যদ্বাণী কৰিছে। অহা তিনি ঘণ্টাত বজালী, বাকছা, বৰপেটা, বঙাইগাঁও, চিৰাং, দৰং, ধুবুৰী, গোৱালপাৰা, কামৰূপ, কামৰূপ মেট্ৰ’, কোকৰাঝাৰ, মৰিগাঁও, আৰু নগাঁৱৰ ওপৰত কেইটামান ঠাইত ধুমুহা আৰু বজ্ৰপাতৰ সৈতে মধ্যমীয়া বৰষুণৰ পূৰ্বাভাস প্ৰকাশ কৰিছে। ইয়াত উল্লেখ কৰিব পাৰি যে অসমত চলি থকা বানত কৰিমগঞ্জত আৰু দুজন লোকৰ প্ৰাণহানি হৈছে ।
জিলাত মৃত্যু হোৱা লোকৰ সংখ্যা ৯৩ জনলৈ বৃদ্ধি পাইছে বুলি অসম ৰাজ্যিক দুৰ্যোগ ব্যৱস্থাপনা কৰ্তৃপক্ষই প্ৰকাশ কৰিছে (ASDMA)।
সামগ্ৰিক পৰিস্থিতিৰ সামান্য উন্নতি ঘটিলেও ১৮খন জিলাৰ প্ৰায় ৫.৯৮ লাখ লোক বানপানীৰ ফলত ক্ষতিগ্ৰস্ত হৈছে।
১৩খন জিলাৰ ১৭২টা সাহায্য শিবিৰ আৰু বিতৰণ কেন্দ্ৰত ৫৮ হাজাৰৰো অধিক লোকে আশ্ৰয় বিচাৰিছে। এই দুৰ্যোগৰ ফলত ২ লাখ ৮৩ হাজাৰ ৭১২ টা ঘৰচীয়া জীৱ-জন্তুও ক্ষতিগ্ৰস্ত হৈছে আৰু কেৱল যোৱা ২৪ ঘন্টাত ২৩২ টা জীৱ-জন্তু উটুৱাই লৈ গৈছে।
আন্তঃগাঁথনিৰ ক্ষতি এতিয়াও যথেষ্ট, ১৬১টা ঘৰ সম্পূৰ্ণৰূপে ধ্বংস আৰু ৬,৬৬৩টা আংশিকভাৱে ক্ষতিগ্ৰস্ত হৈছে।ইয়াৰ উপৰিও ১৩টা পথ বানপানীৰ ফলত উটুৱাই লৈ গৈছে।
ৰাজ্যৰ বিভিন্ন ঠাইত বানপানীৰ পানী লাহে লাহে কমি অহাৰ লগে লগে কৰ্তৃপক্ষই সাহায্য প্ৰদানৰ লগতে এই প্ৰাকৃতিক দুৰ্যোগৰ ফলত হোৱা ব্যাপক ক্ষতিৰ মূল্যায়নৰ প্ৰচেষ্টা অব্যাহত ৰাখিছে।
