ডিজিটেল ডেস্ক, ANEWS24X7:পুৰী মন্দিৰত অঘটন ৷ মকৰ সংক্ৰান্তি উৎসৱত পুৰী জগন্নাথ মন্দিৰত সংঘটিত হৈছে এক অঘটন ৷ মকৰ সংক্ৰান্তি উপলক্ষে পুৰী জগন্নাথ মন্দিৰত সমাগম হয় বৃহৎ সংখ্যক দৰ্শনাৰ্থী ৷
মন্দিৰ দৰ্শনৰ খৰখেদাত পদপিষ্ট হয় কেইবাগৰাকী দৰ্শনাৰ্থী ৷ পদপিষ্ট হৈ গুৰুতৰভাৱে আহত হয় দুজন তীৰ্থযাত্ৰী ৷ ইয়াৰ ভিতৰত এজন নাবালক ৷ আহত সকলক বৰ্তমান চিকিৎসালয়ত চিকিৎসাধীন অৱস্থাত আছে ৷ এই ঘটনাই সৃষ্টি কৰিছে তীব্ৰ চাঞ্চল্যৰ ৷
মকৰ সংক্ৰান্তি উপলক্ষে পুৰী জগনাথ মন্দিৰত প্ৰতিবছৰে ভিৰ হৈছিল ৷ মন্দিৰৰ সিংহদ্বাৰৰ সন্মুখত শ শ ভক্তই ভিৰ কৰিছিল ৷ সিংহদ্বাৰ খোলৰ লগে লগে মন্দিৰত প্ৰৱেশৰ বাবে ভক্তৰ ভিৰ বৃদ্ধি পায় ৷ ইয়াৰ ফলত পদপিষ্ট হয় সুলোচনা শ্বাহু নামৰ এগৰাকী মহিলা আৰু তেওঁৰ কেঁচুৱাজনী ৷ পদপিষ্ট হৈ গুৰুতৰভাৱে আহত হয় দুয়ো ৷ ইয়াৰ ওপৰিও জনতাৰ হেঁচাত আন আঠজন ভক্ত গুৰুতৰভাৱে আহত হয় ৷ ইয়াৰ ভিতৰত কেইবাটিও শিশু আছে ৷
