ভাৰত জোড়ো যাত্ৰাত অঘটন, হৃদৰোগত আক্ৰান্ত হৈ মৃত্যু কংগ্ৰেছৰ জলন্ধৰৰ সাংসদ 

ডিজিটেল ডেস্ক, ANEWS24X7: ৰাহুল গান্ধীৰ ‘ভাৰত জোড়ো যাত্ৰা’ত অঘটনা ৷ ‘ভাৰত জোড়ো যাত্ৰা’ত অংশগ্ৰহণ কৰা সাংসদৰ মৃত্যু ৷ যাত্ৰাত অংশগ্ৰহণ কৰা অৱস্থাত হৃদৰোগত আক্ৰান্ত হৈ মৃত্যু জলন্ধৰৰ কংগ্ৰেছ সাংসদ সন্তখ সিং চৌধুৰীৰ ৷

শনিবাৰে পুৱা কংগ্ৰেছ সংসদজনে পঞ্জাৱৰ ফিল্লৌৰত ভাৰত জোড়ো যাত্ৰাত অংশগ্ৰহণ কৰা সময়ত হৃদৰোগত আক্ৰান্ত হয় সাংসদ গৰাকী ৷

সাংসদজনক লগে লগে এম্বুলেন্সেৰে ফাগৱাৰাৰ ভিৰ্ক চিকিৎসালয়লৈ লৈ যোৱা হৈছিল ৷ চিকিৎসালয়ত চিকিৎসকে মৃত ঘোষণা কৰে সাংসদ গৰাকীক ৷ 

কংগ্ৰেছ সাংসদ সন্তখ সিং চৌধুৰীৰ মৃত্যুৰ খবৰ লাভ কৰি চিকিৎসালয়ত উপস্থিত হয় ৰাহুল গান্ধী ৷

 পঞ্জাৱৰ মুখ্যমন্ত্ৰী ভগৱন্ত মানে কংগ্ৰেছ সাংসদজনৰ মৃত্যুত শোক প্ৰকাশ কৰিছে ৷ মুখ্যমন্ত্ৰী ভগৱন্ত মানে কয় যে ,‘‘ জলন্ধৰৰ কংগ্ৰেছ সাংসদজনৰ আকস্মিক মৃত্যুত দুখিত ৷ মই তেওঁৰ আত্মাৰ শান্তিৰ বাবে প্ৰাৰ্থনা কৰিছো ৷’’

উল্লেখ্য যে, ৰাহুল গান্ধীৰ ভাৰত জোড়ো যাত্ৰা বিগত বৰ্ষৰ ৭ ছেপ্টেম্বৰত কন্যাকুমাৰীৰ পৰা আৰম্ভ হৈছিল ৷ কংগ্ৰেছ দলৰ এই কাৰ্যসূচী ৩০ জানুৱাৰীত জম্মু-কাশ্মীৰৰ শ্ৰীনগৰত সমাপ্ত হ’ব ৷ কংগ্ৰেছ দলে দাবী কৰিছে যে ৰাহুল গান্ধীৰ এই ভাৰত জড়ো যাত্ৰাক দেশৰ জনাতাই সঁহাৰি জানাইছে ৷