ডিজিটেল ডেস্ক, ২ নৱেম্বৰ: পেলেষ্টাইনৰ ৰেড ক্ৰীচেণ্টৰ উদ্ধৃতিৰে সংবাদ সংস্থা ৰয়টাৰে প্ৰকাশ কৰা অনুসৰি বৃহস্পতিবাৰে পুৱাই ঘন জনবসতিপূৰ্ণ গাজা চহৰৰ আল-কুডছ চিকিৎসালয়ৰ আশে-পাশে জোৰেৰে বিস্ফোৰণৰ শব্দ শুনা যায়। ইজৰাইলে মঙলবাৰ আৰু বুধবাৰে গাজাৰ আটাইতকৈ ডাঙৰ শৰণাৰ্থী শিবিৰ জাবালিয়াত হামাছৰ দুজন নেতাক হত্যা কৰা বুলি কোৱাৰ পিছতে এই কথা প্ৰকাশ পাইছে।
ইফালে, এমাহ নৌহওঁতেই দ্বিতীয়বাৰৰ বাবে ইজৰাইল ভ্ৰমণৰ বাবে বৃহস্পতিবাৰে ৰাওনা হ’বলগীয়া আছিল আমেৰিকাৰ বিদেশ মন্ত্ৰী এণ্টনি ব্লিংকেনে। তেওঁৰ মুখপাত্ৰই জনোৱা মতে, শুকুৰবাৰে তেওঁ প্ৰধানমন্ত্ৰী বেঞ্জামিন নেতানিয়াহুকে ধৰি ইজৰাইলৰ বিষয়াসকলক সাক্ষাৎ কৰি সংহতিৰ কণ্ঠস্বৰ প্ৰকাশ কৰাৰ পৰিকল্পনা কৰিছে যদিও পেলেষ্টাইনী নাগৰিকৰ মৃত্যু কম কৰাৰ প্ৰয়োজনীয়তাও পুনৰ দৃঢ় কৰাৰ পৰিকল্পনা কৰিছে।
৭ অক্টোবৰত গাজা ষ্ট্ৰিপৰ পৰা ইজৰাইল আৰু হামাছ উগ্ৰপন্থীৰ মাজত হোৱা যুদ্ধই ইজৰাইল আৰু পেলেষ্টাইনীসকলৰ মাজত সাত দশকৰ সংঘাতৰ শেহতীয়া যুদ্ধ যিয়ে বহল মধ্যপ্ৰাচ্যক অস্থিৰ কৰি তুলিছে।
