সৰ্থেবাৰী, তফিকুৰ ৰহমান:
ইতিহাস থিয়েটাৰত অঘটন।
বুধবাৰে সন্ধিয়া সংঘটিত হয় এই অঘটন।
বৰপেটাৰ চেঙাত চলি আছে ইতিহাস থিয়েটাৰ।
চেঙাত দ্বিতীয় নিশাৰ দৰ্শনী চলি থকাৰ মাজতে সংঘটিত হয় এই অঘটন ।
ইতিহাস থিয়েটাৰৰ মঞ্চত মঞ্চস্থ হৈ আছিল “মহাৰাজ” নাটকখন।
গেলেৰীৰ পৰা মঞ্চলৈ দৰ্শকৰ মাজেৰে বাইক চলাই আহোঁতেই বাইকসহ দৰ্শকৰ ওপৰত বাগৰি পৰে অভিনেতা যতীন বৰা।
বাইক দুৰ্ঘটনাত কিছু পৰিমানে যতীন বৰা আহত হোৱাৰ উপৰিও শিশু-মহিলাসহ ৭ গৰাকী লোক আহত হয়।
আহত হয় থিয়েটাৰৰ আন এগৰাকী লোকো।
আহত দুগৰাকী শিশুক চেঙা স্বাস্থ্য কেন্দ্ৰত ভৰ্তি কৰোৱা হয় যদিও উন্নত চিকিৎসাৰ বাবে বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হস্পিতালয়লৈ প্ৰেৰণ কৰা হয়।
কিছু সময়ৰ বাবে স্থগিত হৈ পৰে নাট প্ৰদৰ্শন।
