চিৰাঙত আনুষ্ঠানিকভাৱে বিপিএফত যোগদান কৰিলে বিটিচিৰ বিৰোধী দলপতি তথা সদ্য পদত্যাগী ইউপিপিএল নেতা খাম্পা বৰগয়াৰীয়ে৷ বিটিচি প্ৰধান হাগ্ৰামা মহিলাৰীৰ উপস্থিতি ইউপিপিএল ত্যাগ কৰি আনুষ্ঠানিকভাৱে বিপিএফত যোগ দিলে খাম্পা বৰগয়াৰীয়ে৷
হাগ্ৰামা মহিলাৰীক চন্দন ব্ৰহ্মৰ স্থিতি সন্দৰ্ভত সোধা প্ৰশ্নৰ উত্তৰত কয় যে চন্দন ব্ৰহ্ম ‘কালচাৰেল’ বিভাগৰ সভাপতি হৈ আছে৷ গতিকে চন্দন ব্ৰহ্ম বিপিএফত আহিব নে নাহিব সেই কথা অৱগত নহয়। আনহাতে, আগন্তুক নিৰ্বাচনত কংগ্ৰেছ বা ইউপিপিএলৰ অৱস্থা কি তেওঁ অৱগত নহয় বুলি মন্তব্য কৰে হাগ্ৰামা মহিলাৰীয়ে৷
ইফালে এনডিএৰ তৰফৰ পৰা বিটিচিত আসন ভাগ বটোৱাৰা চূড়ান্ত হোৱা নাই বুলি উল্লেখ কৰি হাগ্ৰামাই কয় যে বিটিচিৰ অন্তৰ্গত ১৫টা বিধানসভা আসনত এনডিএ হিচাপে জিকাই দিয়াটো বিপিএফৰ দায়িত্ব আছে৷ যদিও আসন ভাগ বটোৱাৰা বৰ্তমান লৈ চূড়ান্ত হৈ উঠা নাই৷
ইফালে খাম্পা বৰগয়াৰীয়ে উন্নয়নৰ স্বাৰ্থত ইউপিপিএল দল ত্যাগ কৰি বিপিএফ দলত যোগ দান কৰা বুলি উল্লেখ কৰি বিপিএফক শ্ৰেষ্ঠ দল আখ্যা দিয়ে৷
