ডিজিটেল ডেস্ক, ২২ মে’: মেবলীউডৰ অভিনেত্ৰী কেটৰিনা কাইফৰ গৰ্ভাৱস্থাৰ উৰাবাতৰি এতিয়া কেইবামাহো ধৰি চলি আহিছে। একাধিক সংবাদ মাধ্যমৰ বাতৰি অনুসৰি অভিনেত্ৰী কেটৰিনা আৰু অভিনেতা ভিকি কৌশলে বিবাহৰ ডেৰ-দুবছৰৰ পাছত একেলগে প্ৰথমটো সন্তানৰ আশা কৰিছিল। শেহতীয়াকৈ লণ্ডনৰ ৰাজপথৰ পৰা ভিকি কৌশল আৰু কেটৰিনা কাইফৰ এটা ভিডিঅ’ ভাইৰেল হৈ অনুৰাগীক পতিয়ন নিয়াবলৈ সক্ষম হৈছে । তেওঁলোক অতি সোনকালে পিতৃ-মাতৃ হ’ব’ বুলি জনাইছে।
টাইমছ নাও ডট কম/জুমত প্ৰকাশিত এক নতুন প্ৰতিবেদনত প্ৰকাশিত হৈছে যে, কেটৰিনাই লণ্ডনত নিজৰ সন্তান প্ৰসৱ কৰিবলৈ ওলাইছে। মিডিয়া পৰ্টেলটোক এক সূত্ৰই জনোৱা মতে, “হয়, কেটৰিনা গৰ্ভৱতী। তেওঁলোকে লণ্ডনত প্ৰথম সন্তানক আদৰি ল’ব। ইতিমধ্যে কেটৰিনাৰ সৈতে লণ্ডনত আছে ভিকি ।”
আনহাতে নিৰ্বাচনৰ দিনাখনে ছচিয়েল মিডিয়াত প্ৰকাশ পাইছিল দম্পতীহালৰ এটা ভিডিঅ’। ৰাস্তাৰ সিপাৰৰ পৰা শ্বুটং কৰা ক্লিপটোত ২০২১ চনত বিবাহপাশত আবদ্ধ হোৱা কেটৰিনা আৰু ভিকিক একেলগে খোজ কাঢ়ি থকা দেখা গৈছে। কিন্তু ক্লিপটোৰ প্ৰতি অনুৰাগীৰ আগ্ৰহ আকৰ্ষণ কৰা কথাটো আছিল কেটৰিনাই পৰিধান কৰা অভাৰছাইজ কোটটো। ইণ্টাৰনেট ব্যৱহাৰকাৰীসকলে কল্পনা কৰিছে যে অভিনেত্ৰী গৰাকী গৰ্ভৱতী আৰু সংবাদ মাধ্যমৰ যাতে সেই বিষয়টোৰ প্ৰতি দৃষ্টি আকৰ্ষণ নহয়, সেইবাবে তেওঁলোকে দেশ এৰি লণ্ডনত আছে।
বৰ্তমান কেটৰিনা কাইফে তেওঁৰ অভিনেতা-স্বামী ভিকি কৌশলৰ সৈতে লণ্ডনত আছে য’ত তেওঁলোকে চলিত সপ্তাহৰ আৰম্ভণিতে ভিকি কৌশলৰ জন্মদিন উদযাপন কৰিছিল। কেটৰিনাইও ভিকিৰ জন্মদিনত ভিকিৰ এক ধাৰাবাহিক স্পষ্ট ছবি শ্বেয়াৰ কৰিছিল। এখন ফটোত ভিকিৰ জন্মদিনত কেটৰিনাৰ সৈতে ডিনাৰ ডেটৰ আভাসও দেখা গৈছিল। পোষ্টটোৰ কেপচনত কেটৰিনাই তিনিটা বগা হৃদয় আৰু জন্মদিনৰ কেক ইমোজি ড্ৰপ কৰিছিল। লগতে স্বামীৰ প্ৰতি থকা মৰম প্ৰকাশৰ বাবে পোষ্টত “দেখা তেনু পেহলী পেহলী বাৰে ৰে” নামৰ ৰোমান্টিক গীতটো যোগ কৰিছিল।
ৱৰ্ক ফ্ৰণ্টত অতি সোনকালে পৰিচালক আনন্দ তিৱাৰীৰ মিউজিকেল বেড নিউজত দেখা যাব বিকি কৌশল। ছবিখনত ত্ৰিপ্তী ডিমৰী, এমি বিৰ্ক, ফাতিমা সনা শ্বেইখ আৰু নেহা ধুপিয়াইও মূল চৰিত্ৰত অভিনয় কৰিব। ইয়াৰ উপৰিও তেওঁৰ পাইপলাইনত আছে ছাত্ৰপতি সম্ভাজী মহাৰাজৰ জীৱনৰ আধাৰত নিৰ্মিত এখন ঐতিহাসিক নাটক।
