ডিজিটেল ডেস্ক, ANEWS24X7: আজি ধনতেৰাছ ৷ সমগ্ৰ বিশ্বতে আজি হিন্দু ধৰ্মালম্বী লোক সকলে ধনতেৰাছ উদযাপন কৰিছে ৷ আজিৰ দিনটোত মা লক্ষ্মী আৰু কুবেৰ দেৱতাক পূজা কৰা হয় ৷ আজিৰ দিনটোত মা লক্ষ্মী আৰু কুবেৰ দেৱতাক সন্তুস্ত কৰিব পাৰিলে ঘৰলৈ লক্ষ্মীৰ আগমন ঘটে ৷ পৰম্পৰা অনুসৰি আজিৰ দিনটোত সোণ ক্ৰয় কৰিলে শুভ বুলি ধাৰণা কৰা হয় ৷ধনতেৰাছ উপলক্ষে পুৱাৰে পৰা গুৱাহাটীৰ গহনাৰ বিপনী সমূহত গ্ৰাহকে ভিৰ কৰা পৰিলক্ষিত হৈছে ৷
ধনতেৰাছৰ দিনটোত সোন ক্ৰয় কৰিবলৈ যোৱাৰ পূৰ্বে জানি লওক আজিৰ দিনটোত সোনাৰ সঠিক মূল্য ৷ আজি গুৱাহাটীৰ বজাৰ অনুসৰি সোণৰ মূল্য হৈছে – প্ৰতি ১ গ্ৰাম ২৪ কেৰেট সোণৰ মূল্য ৫,০০৯ টকা । আনহাতে প্ৰতি ৮ গ্ৰাম ২৪ কেৰেট সোণৰ মূল্য ৪০,০৭২ টকা । তাৰোপৰি গুৱাহাটী বজাৰত আজিৰ দিনটোত ২২ কেৰেট সোণৰ মূল্য প্ৰতি ১ গ্ৰামত ৪,৭৭০ টকা আৰু ৮ গ্ৰাম ২২ কেৰেট সোণৰ মূল্য ৩৮,১৬০ টকা ।
যোৱা কালিৰ তুলনাত আজি প্ৰতি ১ গ্ৰাম ২২ কেৰেট সোণত ১০ টকা হ্ৰাস পাইছে ৷ আনহাতে প্ৰতি ১ গ্ৰাম ২৪ কেৰেট সোণত ১০ টকা হ্ৰাস পাইছে ৷
