ডিজিটেল ডেস্ক, ANEWS24X7: ছত্তীশগড়ৰৰ চুকমা জিলাত মাওবাদী আৰু চিআৰপিএফৰ মাজত সংঘৰ্ষ ৷ মঙলবাৰে মাওবাদীৰ ভয়াবহ আক্ৰমণত প্ৰাণ হেৰুৱালে এগৰাকী চিআৰপিএফ কামাণ্ডো ৷ মাওবাদীৰ আক্ৰমণত নিহত হয় চি আৰ পি এফৰ জংঘল যুদ্ধ ইউনিট কোব্ৰাৰ হেড কনিষ্টবল চুলেমান ৷
আৰক্ষী মহাপৰিদৰ্শক সুন্দৰৰাজ পিয়ে সদৰী কৰে এই কথা ৷ সংবাদ মাধ্যমৰ আগত কয় যে ,‘‘চিন্তাগুফা থানাৰ সীমাৰ অন্তৰ্গত ডাব্বাকোন্টা আৰু পেন্টাপাদ গাঁৱৰ মাজত এই ঘটনা সংঘটিত হয়।কমাণ্ডো বেটেলিয়ন ফৰ ৰিজ’লিউট একচনৰ ২০২ নং বেটেলিয়নৰ হেড কনিষ্টবল চুলেমান সংঘৰ্ষত গুৰুতৰভাৱে আঘাতপ্ৰাপ্ত হয়। তেওঁক ওচৰৰ ভেজি গাঁৱৰ চি আৰ পি এফৰ ফিল্ড হস্পিতাললৈ স্থানান্তৰ কৰা হয় যদিও চিকিৎসাৰ সময়ত তেওঁৰ মৃত্যু হয়।”
মাওবাদীৰ দলটোৱে অতৰ্কিতে চিআৰপিএফৰ কামাণ্ডো সকলৰ ওপৰত আক্ৰমণত চলায় ৷ফলত দুয়োটা গোটৰ মাজত গুলীয়াগুলীৰ সৃষ্টি হয়। সেনাৰ প্ৰতি আক্ৰমণৰ পিছতে মাওবাদী দলটো সংঘৰ্ষ স্থলীৰ পৰা ঘন অৰণ্যলৈ পলায়ন কৰে ।
