ডিজিটেল ডেস্ক, ANEWS24X7: ক্ৰমাত ভয়ংকৰ হৈ পৰিছে উত্তৰ কোৰিয়াৰ শাসক কিম জং উন ৷ কিম জং উনকলৈ শংকিত এতিয়া বিশ্ববাসী ৷ আমেৰিকাৰ সকিয়নিৰ পিছতো থমকিৰোৱা নাই কিম জং উন ৷ কৰি আহিছে ইটোৰ পিছত সিটো ক্ষেপনাস্ত্ৰ নিক্ষেপ ৷
কেইদিনমানৰ পূৰ্বে আমেৰিকা যুক্তৰাষ্ট্ৰৰ উপ-ৰাষ্ট্ৰপতি কমলা হেৰিছ দক্ষিণ কোৰিয়া ভ্ৰমণৰ সময়ত ক্ষেপনাস্ত্ৰ নিক্ষেপ কৰিছিল । এইবাৰ উত্তৰ কোৰিয়াই জাপানৰ ওপৰেৰে এটা বেলিষ্টিক মিছাইল নিক্ষেপ কৰিছে । মঙলবাৰে উত্তৰ কোৰিয়াই নিক্ষেপ কৰে এই মিছাইলটো । উত্তৰ কোৰিয়া হৈ পৰিছে বিশ্ব ত্ৰাস ।
উত্তৰ কোৰিয়াই এই কাৰ্যকলৈ শংকিত হৈ পৰিছে জাপান।জাপানে দেশৰ নগৰিকক সকলক সতৰ্কবাণী জাৰি কৰিছে । দেশখনৰ নাগৰিক সকলক সৰক্ষিত স্থানত আশ্ৰয় ল’বলৈ কোৱা হৈছে।ইয়াৰ ওপৰিও উত্তৰ জাপানত ৰে’ল সেৱা অস্থায়ীভাৱে স্থগিত ৰখোৱা হৈছে ৷
