বিহাৰৰ ৰাজনীতিত ‘সুশাসন বাবু’ নামেৰে পৰিচিত নীতিশ কুমাৰে পুনৰবাৰ মুখ্যমন্ত্ৰী হিচাপে শপত গ্ৰহণ কৰে। ২০২৫ চনৰ বিহাৰ নিৰ্বাচনত জয়ী হোৱাৰ পিছত দশমবাৰৰ বাবে মুখ্যমন্ত্ৰী হিচাপে শপত ল’লে নীতিশ কুমাৰে। ২০২৫ চনৰ ২০ নৱেম্বৰ বৃহস্পতিবাৰে পাটনাৰ ঐতিহাসিক গান্ধী মৈদানত দশমবাৰৰ বাবে মুখ্যমন্ত্ৰী হিচাপে শপত গ্ৰহণ কৰে নীতিশ কুমাৰে।
শপত গ্ৰহণ অনুষ্ঠানত উপস্থিত থাকে প্ৰধানমন্ত্ৰী নৰেন্দ্ৰ মোদী, কেন্দ্ৰীয় গৃহমন্ত্ৰী অমিত শ্বাহ, বিজেপিৰ ৰাষ্ট্ৰীয় সভাপতি জে পি নাড্ডা, মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নভিছ, অন্ধ্ৰপ্ৰদেশৰ মুখ্যমন্ত্ৰী এন চন্দ্ৰবাবু নাইডু, গুজৰাটৰ মুখ্যমন্ত্ৰী ভূপেন্দ্ৰ পেটেলকে ধৰি NDAৰ বহু জ্যেষ্ঠ নেতা। উপস্থিত থাকে অসমৰ মুখ্যমন্ত্ৰী ডঃ হিমন্ত বিশ্ব শৰ্মা, মেঘালয়ৰ মুখ্যমন্ত্ৰী কণৰাড চাংমা, নাগালেণ্ডৰ মুখ্যমন্ত্ৰীও।
বুধবাৰে এন ডি এৰ নেতা হিচাপে নিৰ্বাচিত হৈছিল নীতিশ কুমাৰ। আৰু বৃহস্পতিবাৰে গান্ধী ময়দানত দশমবাৰলৈ বিহাৰৰ মুখ্যমন্ত্ৰী হিচাপে শপত গ্ৰহণ কৰিলে নীতিশ কুমাৰে। বিহাৰৰ ঐতিহাসিক গান্ধী ময়দানত অনুষ্ঠিত হয় নীতিশ কুমাৰৰ শপত গ্ৰহণ অনুষ্ঠান। ৰাজ্যপাল আৰিফ মহম্মদ খানে শপত বাক্য পাঠ কৰায় নীতিশ কুমাৰক।
