জুবিন গাৰ্গৰ মৃত্যুৰ উচিত তদন্তৰ দাবীত এতিয়া সকলো সৰৱ হৈ পৰিছে। জুবিন গাৰ্গৰ পত্নী গৰিমা শইকীয়া গাৰ্গে ন্যায় প্ৰক্ৰিয়া যাতে খৰতকীয়া আৰু স্বচ্ছ হয় তাৰ বাবে বাৰম্বাৰ আহ্বান জনাইছে। ন্যায়ৰ দাবী কৰিছে শিল্পী সমাজ, সাধাৰণ জনতাই।
সামাজিক মাধ্যমত কবি প্ৰণৱ কুমাৰ বৰ্মনে গৰিমা শইকীয়া গাৰ্গক উদ্দেশ্যি লিখিছে, মোৰ ব্যক্তিগত ভাৱে খং ,ক্ষোভ সকলো ক্ষেত্ৰতে নাই।খুব শান্ত ভাৱে থাকোঁ।কিন্ত্ত কেতিয়াবা জকি উঠো- যেতিয়া জুবিন গাৰ্গৰ দৰে মানুহ এজন ষড়যন্ত্ৰৰ বলি হৈ আমাৰ সময়ৰ পৰা হেৰাই যায়।আমাক ন্যায় লাগে।গৰিমা শইকীয়া গাৰ্গ বৌক এটাই অনুৰোধ কৰোঁ – আপুনি পোষ্টমৰ্টেম ৰিপোৰ্ট ঘূৰাই পঠিয়াই ৰাইজক প্ৰকৃত সত্য জনাৰ পৰা দূৰত ৰাখিলে।এতিয়া সমাধি নহয় গৰিমা বৌ ,জুবিনদাৰ মৃত্যুৰ প্ৰকৃত ন্যায় বিচাৰি ৰাজপথলৈ আহক ,অন্যথা সমাধিতে আমৰণ অনশন আৰম্ভ কৰক।আমি লাখ লাখ মানুহ লগত থাকিম।তেতিয়াহে চিংগাপুৰৰ অভিযুক্ত সকল আহিবলৈ বাধ্য হ’ব।SIT য়েও চিংগাপুৰলৈ যাবলৈ বাধ্য হ’ব ।চৰকাৰে ঠিকেই কৰি আছে তদন্ত- তাত আমাৰ আপত্তি নাই।সমৰ্থনো আছে চৰকাৰলৈ।আপুনি এদিন ৰাজপথলৈ ওলাই আহিলেই ,লাখ লাখ ৰাইজ যে ওলাই আহি ন্যায় আজুৰি আনিব।বহুত কান্দিলে,আৰু নাকান্দিব।বুকু ডাঠ কৰক।আপোনাৰ এটা চিঞৰতে কিন্ত্ত ন্যায় আহিবই
