বিনীত ঝা, বিশ্বনাথ চাৰিআলি: বিশ্বনাথ জিলাৰ মহিলা আৰু শিশু বিকাশ বিভাগৰ উদ্যোগত আৰু জিলা প্ৰশাসনৰ সহযোগত আজি জিলা ভিত্তিত সপ্তম ৰাষ্ট্ৰীয় পোষন মাহ -২০২৪ ৰ আনুষ্ঠানিক ভাৱে শুভ উদ্বোধন কৰা হয়।
বিশ্বনাথ জিলা আয়ুক্ত কাৰ্যালয়ৰ সন্মিলন কক্ষত অনুষ্ঠানটিত বন্তি প্ৰজ্বলন কৰি শুভাৰম্ভ কৰে জিলা আয়ুক্ত ডাঃ নেহা যাদৱে।
বিশ্বনাথ প্ৰশাসন, জিলা মহিলা আৰু শিশু বিকাশ বিভাগৰ বিষয়া আৰু কৰ্মচাৰীৰ উপস্থিতিত এইবাৰ শপ্তম ৰাষ্ট্ৰীয় পোষণ মাহৰ বিষয়বস্তু হৈছে “পৰিপুষ্ট কিশোৰী, শক্তিশালী নাৰী”।
গাম্ভীৰ্যপূৰ্ণ অনুষ্ঠানটিত জিলা যুটীয়া স্বাস্থ্য সেৱা সঞ্চালক ডাঃ যোগেন চন্দ্ৰ বেই এনিমিয়া, মাতৃ দুগ্ধ পান, অতিৰিক্ত খাদ্য প্ৰদান আদিৰ বিষয়ে বক্তব্য দাঙি ধৰে।
বিশ্বনাথ জিলা কৃষি বিষয়া,জিলা জনস্বাস্থ্য কাৰিকৰী বিষয়া,জিলা শিক্ষা খণ্ড বিষয়া প্ৰমুখ্যে অন্যান্য বিভাগৰ বিষয়া কৰ্মচাৰীসকল উপস্থিত আছিল।
