ডিজিটেল ডেস্ক, anews24x7: অসম আৰক্ষীৰ এছ আই জুনমনি ৰাভাৰ মৃত্যুৰ গোচৰৰ চলি থকা তদন্তৰ সৈতে জড়িত এক বৃহৎ পৰিঘটনাত ২৫ মে’ৰ নিশা অপৰাধ তদন্ত বিভাগে (চি আই ডি) ভুৱা সোণ বেপাৰী ৰিয়াজুল ইছলামক আটক কৰে।
ৰিয়াজুল লখিমপুৰৰ নৱবয়ছাৰ বাসিন্দা যিয়ে নিজকে এছ আই জুনমনি ৰাভাৰ চালক বুলি পৰিচয় দিছে।
প্ৰাৰম্ভিক তদন্ত অনুসৰি ৰিয়াজুলৰ ইউপিআই আইডিৰ জৰিয়তে ৯০ হাজাৰ টকাৰ লেনদেন হোৱাৰ লগতে এছ আই জোনমণি ৰাভা আৰু এগৰাকী হাছিনা বেগমৰ সৈতে যোগাযোগ থকাৰ অভিযোগ উত্থাপন হৈছে।
আমিনা খাতুনে ৰিয়াজুলৰ ইউপিআই আইডিত ৯০ হাজাৰ টকা দিয়াৰ তথ্য দাখিল কৰাৰ পিছতে এই কথা প্ৰকাশ কৰিছে। বৰ্তমান ৰিয়াজুল নগাঁও আৰক্ষী অধীক্ষকৰ কাৰ্যালয়ত জেৰা চলাই থকা হৈছে।
ইয়াৰ পূৰ্বে মৃত অসম আৰক্ষীৰ এছ আই জুনমনি ৰাভাৰ তথ্যদাতা হাছিনা বেগমে অভিযোগ কৰিছিল যে অসম আৰক্ষীৰ এছ আই জুনমনি ৰাভাৰ মৃত্যু হোৱা এই দুৰ্ঘটনাটো তেওঁক হত্যাৰ “পূৰ্ব পৰিকল্পিত” ষড়যন্ত্ৰৰ অংশ বুলি অভিযোগ উত্থাপন কৰিছিল। তদুপৰি ১৫ মে’ত জুনমনি ৰাভাৰ বিৰুদ্ধে লখিমপুৰ থানাত যি গোচৰ ৰুজু হৈছিল সেয়া ভিত্তিহীন বুলিও দাবী কৰে ।
