ডিজিটেল ডেস্ক, ANEWS24X7: টি-২০ আৰু এদিনীয়া শৃংখলাত অংশগ্ৰহণৰ বাবে কিৱিৰ দেশত টীম ইণ্ডিয়া। হাৰ্দিক পাণ্ডিয়া টি-২০ আৰু শিখৰ ধাৱান এদিনীয়া দলৰ অধিনায়ক। কিৱি দলটোৰ বিৰুদ্ধে ভাৰতীয় দলে খেলিবলগীয়া ৩ খন খেলৰ টি-২০ শৃংখলা ১৮ নৱেম্বৰৰ পৰা আৰম্ভ হ’ব।
দ্বিতীয়খন খেল ২০ নৱেম্বৰত অনুষ্ঠিত হ’ব আৰু অন্তিমখন খেল অনুষ্ঠিত হ’ব ২২ নৱেম্বৰত। পিছত এদিনীয়াকৈ ৩ খন খেল অনুষ্ঠিত হ’ব। ভাৰত আৰু নিউজিলেণ্ডৰ মাজত অনুস্থিত হ’বলগীয়া তিনিখন এদিনীয়া শৃংখলা আৰম্ভ হ’ব ২৫ নৱেম্বৰৰ পৰা। দ্বিতীয়খন খেল ২৭ নৱেম্বৰত আৰু অন্তিমখন খেল ৩০ নৱেম্বৰত অনুষ্ঠিত হ’ব।
টি-২০ শৃংখলা আৰু এদিনীয়া শৃংখলাত অংশগ্ৰহণৰ উদ্দেশ্যে টীম ইণ্ডিয়া ইতিমধ্যে নিউজিলেণ্ডত উপস্থিত হৈছে। উল্লেখ্য যে, হাৰ্দিক পাণ্ডিয়াই টি-২০ দলৰ নেতৃত্ব দিয়াৰ বিপৰীতে শিখৰ ধাৱানে নেতৃত্ব দিব এদিনীয়া দলৰ অধিনায়কৰূপে ।
