ডিজিটেল ডেস্ক, ANEWS24X7: ২০০০ চনৰ লালকিলা আক্ৰমণৰ মূল দোষী লস্কৰ-ই-তৈবাৰ সন্ত্ৰাসবাদী মহম্মদ আৰিফ ওৰফে আশফাকৰ ফাঁচীৰ ৰায় বাহল ৰাখিলে উচ্চতম ন্যায়ালয়ে ৷ ২০০০ চনৰ ২০ ডিচেম্বৰত লালকিল্লা আক্ৰমণ কৰাৰ ঘটনাৰ সৈতে জড়িত আছিল পাকিস্তানী নাগৰিক মহম্মদ আৰিফ। ২০১১ চনৰ ১০ আগষ্টত উচ্চতম ন্যায়ালয়ে মৃত্যুদণ্ডৰ ৰায় প্ৰদান কৰিছিল ৷
ইয়াৰ পিছতে উচ্চতম ন্যায়ালয়ক এই ৰায়ৰ পুনৰ বিবেচনা কৰিবৰ বাবে আবেদন জনাইছিল মহম্মদ আৰিফে ৷ ২০১৯ চনৰ জুলাই মাহত উচ্চতম ন্যায়ালয়ৰ পাঁচজনীয়া সাংবিধানীক বিচাৰপীঠে এই আৱেদনৰ অনুমতি প্ৰদান কৰিছিল ৷ এই আৱেদনৰ শুনানী গ্ৰহণ কৰি বৃহস্পতিবাৰে উচ্চতম ন্যায়ালয়ে পূৰ্বৰ মৃত্যুদণ্ডৰ ৰায় বাহল ৰাখিছে ৷
এই শুনানী গ্ৰহণ কৰি উচ্চতম ন্যায়ালয়ে কয় যে ,‘‘ মহম্মদ আৰিফে কৰা অপৰাধন অক্ষমণীয় আৰু তেওঁৰ অপৰাধ ইতিমধ্যে প্ৰমাণিত হৈছে। সেয়েহে শাস্তি হ্ৰাস কৰা নহ’ব।’’
