ডিজিটেল ডেস্ক, ANEWS24X7: শুকুৰবাৰে জম্মু-কাশ্মীৰৰ ৰাজৌৰী জিলাৰ জংঘলৰ ভিতৰত এদল সন্ত্ৰাসবাদীয়ে তেওঁলোকক এম্বুছ কৰাৰ ফলত কমেও পাঁচজন জোৱান নিহত হয়।
জম্মুস্থিত প্ৰতিৰক্ষা মুখপাত্ৰ লেফটেনেণ্ট কৰ্ণেল দেৱেন্দ্ৰ আনন্দই কয় যে ৰাজৌৰীত চলি থকা অভিযানৰ সময়ত পাঁচজন জোৱানে প্ৰাণ হেৰুৱাইছে। উধামপুৰত আহত এজন মেজৰ ৰেংক অফিচাৰ চিকিৎসাধীন হৈ আছে।
সন্ত্ৰাসবাদীয়ে নিৰ্বিচাৰে গুলীচালনাৰ আশ্ৰয় লোৱাৰ পূৰ্বে এটা গুহাৰ ওচৰত এই আক্ৰমণ চলোৱা হৈছিল।এই অভিযানত সেনাৰ কমাণ্ডোৰ উপৰিও অৰ্ধসামৰিক বাহিনী আৰু জম্মু-কাশ্মীৰ আৰক্ষী জড়িত আছিল। বৰ্তমানেও সন্ত্ৰাসবাদীৰ বিৰুদ্ধে অব্যাহত আছে ভাৰতীয় সেনাৰ অভিযান।
