ডিজিটেল ডেস্ক, A NEWS 24×7: অসমৰ বাক্সা জিলাৰ মানস ৰাষ্ট্ৰীয় উদ্যান আৰু বাঘ সংৰক্ষিত বনাঞ্চল ১০ এপ্ৰিলৰ পৰা প্ৰতি মঙলবাৰে ইক’টুৰিজিমৰ বাবে বন্ধ থাকিব।
অসম বন বিভাগে তেওঁলোকৰ অফিচিয়েল টুইটাৰ হেণ্ডেলৰ পৰা এই জাননী শ্বেয়াৰ কৰিছে।
১ এপ্ৰিল তাৰিখে প্ৰকাশ কৰা অধিসূচনা অনুসৰি, “ভাৰত চৰকাৰৰ পৰিৱেশ, বন আৰু জলবায়ু পৰিৱৰ্তন মন্ত্ৰালয়ে ৰাষ্ট্ৰীয় বাঘ সংৰক্ষণ প্ৰাধিকৰণৰ পত্ৰ নং. ১৫-১৫/২০২২-এনটিচিএ তাৰিখ ১ মাৰ্চ, ২০২৩ আৰু প্ৰধান মুখ্য বন সংৰক্ষক (বন্যপ্ৰাণী) আৰু মুখ্য বন্যপ্ৰাণী ৱাৰ্ডেন, অসম, পত্ৰ নং Wl/FG.35/NTCA/Pt-V তাৰিখ ৪ মাৰ্চ,২০২৩, ইয়াৰ দ্বাৰা সংশ্লিষ্ট সকলোকে জনাইছে যে ২০২৩ চনৰ ১০ এপ্ৰিলৰ পৰা কাৰ্যকৰী হোৱাকৈ প্ৰতি সপ্তাহৰ মঙলবাৰে মানস ৰাষ্ট্ৰীয় উদ্যান আৰু বাঘ সংৰক্ষিত বনাঞ্চল সকলো পৰিৱেশ পৰ্যটন কাৰ্য্যকলাপৰ বাবে বন্ধ থাকিব।”
