ডিজিটেল ডেস্ক, ANEWS24X7: চাংসাৰিত বিশাল জনসভাক সম্বোধন প্ৰধানমন্ত্ৰীৰ। অসমীয়াতে অসমবাসীক বিহুৰ শুভেচ্ছা জনালে মোডীয়ে। মা কামাখ্যাৰ ভূমিৰ পৰা সকলোকে প্ৰণাম জনালে প্ৰধানমন্ত্ৰীগৰাকীয়ে।
প্ৰধানমন্ত্ৰীগৰাকীয়ে ভাষণ প্ৰসংগত বিৰোধীক তীব্ৰ সমালোচনা কৰে। ‘জনতা জনাৰ্দনৰ ৰূপ, পূৰ্বৰ সকল কেৱল ক্ৰেডিটৰ ভোক আছিল৷ উত্তৰ-পূব দূৰ বুলি ভাবিছিল তেঁওলোকে’৷
আৰু কয় যে, -এই পৱিত্ৰ সময়ত অসম আৰু উত্তৰ-পূৰ্বাঞ্চলৰ স্বাস্থ্য আন্তঃগাঁথনিয়ে আজি এক নতুন শক্তি লাভ কৰিছে। যোগাযোগৰ ক্ষেত্ৰতো অসমত অভূতপূৰ্ব উন্নয়ন হৈছে। আজি উত্তৰ-পূৰ্বাঞ্চলে ইয়াৰ প্ৰথমখন এইমছ লাভ কৰিছে আৰু অসমে তিনিখন নতুন চিকিৎসা মহাবিদ্যালয় লাভ কৰিছে। যোৱা ন বছৰত, আমি আন্তঃগাঁথনি প্ৰকল্পৰ ওপৰত কাম কৰিছো আৰু সেয়েহে সকলোৱে সংযোগ সম্পৰ্কীয় আন্তঃগাঁথনি প্ৰকল্পৰ বিষয়ে কয়। আমি আপোনাৰ সেৱক হোৱাৰ মনোভাৱৰ সৈতে কাম কৰোঁ, পূৰ্বে উত্তৰ-পূবৰ পৰা দিল্লী বহু দূৰ যেন অনুভৱ কৰিছিল। আজি উত্তৰ-পূৰ্বাঞ্চলে আমাৰ পৰা বেছি দূৰ অনুভৱ নকৰে আৰু লগতে এক আপোনত্বৰ অনুভূতিও আছে। আজি উত্তৰ-পূৰ্বাঞ্চলৰ লোকসকলে আগবাঢ়ি আহি উন্নয়নৰ শাসনভাৰ গ্ৰহণ কৰিছে। আমি ভাৰতৰ উন্নয়নৰ মন্ত্ৰলৈ আগবাঢ়িছো।
‘বিগত ৯ বছৰত উত্তৰ-পূবত যথেষ্ট উন্নয়ন হৈছে, সামাজিক আন্তঃগাঁঠনিৰ অভূতপূৰ্ব বিস্তাৰ হৈছে।’ AIIMSৰ উদ্বোধনী অনুষ্ঠানত এই মন্তব্য প্ৰধানমন্ত্ৰী নৰেন্দ্ৰ মোদীৰ।‘২০১৪ৰ পূৰ্বে প্ৰায় ১৫০খন চিকিৎসা মহাবিদ্যালয় আছিল৷ বিগত ৯বছৰত আমাৰ চৰকাৰে ৩০০খন চিকিৎসা মহাবিদ্যালয় নিৰ্মাণ কৰিছে’৷
২০১৪ৰ পাছৰ সকলো সমস্যা আমি দূৰ কৰিছো। ‘দিল্লীৰ বাহিৰে বেলেগ ৰাজ্যত AIIMS খুলিব লাগে বুলি কোনেও ভবা নাছিল। ২০১৪ৰ পাছত আমি এই সমস্যা দূৰ কৰিবলৈ প্ৰয়াস কৰিছো। গুৱাহাটীৰ AIIMS ইয়াৰ উদাহৰণ।’ চাংসাৰিস্থিত AIIMS উদ্বোধন কৰি এই মন্তব্য প্ৰধানমন্ত্ৰী নৰেন্দ্ৰ মোদীৰ।
