ডিজিটেল ডেস্ক, ANEWS24X7: অসম আৰক্ষীৰ পুনৰ এনকাউন্টাৰ ৷ অসম আৰক্ষীয়ে এইবাৰ এনকাউন্টাৰ কৰিলে ৫ লাখ টকাৰ পুৰস্কাৰ ঘোষণা কৰা দুৰ্ধৰ্ষ গঁড় চিকাৰী ৷আৰক্ষীৰ জিম্মাৰ পৰা পলায়নৰ চেষ্টা কৰা সময়তে আৰক্ষীৰ গুলীত গুলীবিদ্ধ হয় আব্দুল মতিন ওৰফে কালাক নামৰ দুৰ্ধৰ্ষ চোৰাংচিকাৰীটো ৷
বুধবাৰে ওৰাং ৰাষ্ট্ৰীয় উদ্যানৰ কাষৰ পৰা এটা ৰাইফলৰ সৈতে দৰং আৰক্ষীয়ে গ্ৰেপ্তাৰ কৰিছিল ধৃত আব্দুল মতিনক ৷ তদন্তৰ সময়ত ওৰাং ৰাষ্ট্ৰীয় উদ্যানৰ কাষত থকা ধনশ্ৰী নৈৰ পাৰত এটা .৩০৩ ৰাইফল পুতি ৰখাৰ কথা কৈছিল ৷ আৰক্ষীয়ে ৰাইফলটো উদ্ধাৰৰ বাবে যোৱাৰ সময়ত সুশীল বৰুৱা নামৰ ইউ বি জোৱানজনৰ বুকুত ঘুচিয়াই পলায়নৰ চেষ্টা কৰিছিল ৷
পলায়নৰ চেষ্টা কৰা সময়ত দৰং আৰক্ষীয়ে চোৰাংচিকাৰী জনৰ ভৰিলৈ লক্ষ্য কৰি গুলীচালনা কৰে ৷ আৰক্ষীৰ গুলীত আহত হয় ধৃত চোৰাংচিকাৰী আব্দুল মতিন ৷
