ডিজিটেল ডেস্ক,ANEWS24X7: ঐতিহাসিক ঢকুৱাখনাৰ ফাট বিহুৰ বাকৰিত লাগিল কলংকৰ দাগ। ফাট বিহুৰ আয়োজক সমিতিৰ একাংশৰ লজ্জাজনক কাৰ্যই বিহুপ্ৰেমী লোকৰ মাজত সৃষ্টি কৰিছে এতিয়া তীব্ৰ প্ৰতিক্ৰিয়া ৷ ফাট বিহুৰ মঞ্চত একাংশ বিহু উদযাপন সমিতিৰ সদস্যৰ গুণ্ডাগিৰিৰ অভিযোগ।
বৰদৈচিলা নামৰ বিহু হুঁচৰি দলটোক আয়োজক সমিতিৰ কিছু লোকে শাৰীৰিক ভাৱে আক্ৰমণ কৰি মঞ্চৰ পৰা গতিয়াই নমাই দিয়ে । ইমানেই নহয়, এগৰাকী বিহুৱাৰ মূৰত মাইক্ৰ’ফোনেৰে আঘাত কৰে এজন লোকে।
আনহাতে নামজ্বলা ফাট বিহুৰ মঞ্চত এনেধৰণৰ ঘটনা সংঘটিত হোৱাক লৈ এতিয়া হতচকিত কৰিছে সকলোকে৷ এই লজ্জাজনক কাণ্ডক লৈ এতিয়া সামাজিক মাধ্যমতো সৃষ্টি হৈছে তীব্ৰ প্ৰতিক্ৰিয়া।
