চৈয়দ মুদ্দাছীৰ ৰমিজ, শিৱসাগৰ : ৫ সমষ্টিৰ উপ নিৰ্বাচনৰ প্ৰচাৰ শেষ। এইবাৰ ২০২৬ ৰ বিধান সভা নিৰ্বাচনৰ বাবে আজিৰে পৰা কঁকালত টঙালি বান্ধিছে ৰাইজৰ দলে।
শিৱসাগৰৰ টাই সংস্কৃতিক বিকাশ কেন্দ্ৰৰ চৌহদৰ পৰা ২০২৬ ৰ নিৰ্বাচনী ৰণ ডংকা বজালে ৰাইজৰ দলে।
আজি দলৰ সভাপতি বিধায়ক অখিল গগৈৰ উপস্থিতিত অনুষ্ঠিত কৰা হয় বৃহৎ সাংগঠনিক সমাৱেশ।
সমাৱেশতে
কংগ্ৰেছ , বিজেপি , অগপ , আহোম জাতীয় গণমঞ্চসহ বিভিন্ন দল সংগঠনৰ কেইবা শতাধিক সদস্য তথা বিষয়ববীয়াই যোগদান কৰে ।
সমাবেশত ভাষণ প্ৰদান কৰি আগন্তুক বিধানসভা নিৰ্বাচনত ৰাইজৰ দলে অতি কমেও ২০ খন আসন দখল কৰাৰ সংকল্প গ্ৰহণ কৰে।
২০ খন আসন দখল কৰিব লাগিব ৰাইজৰ দলে। তেতিয়া চৰকাৰে আমাৰ দলৰ মতেই কাম কৰিবলৈ বাধ্য হ’ব ।
এই মন্তব্য অখিল গগৈৰ ।
২৬ ত শিৱসাগৰ সমষ্টিত ৰাইজৰ দলৰ প্ৰাৰ্থীক বিপুল ভোটত জয়ী কৰাবলৈয়ো সংকল্প গ্ৰহণ কৰে সমাবেশত ।
ৰাইজৰ দলৰ সমৰ্থনত ২৬ ত চৰকাৰ গঠন হ’লে , ৩৩ ত ৰাইজৰ দলৰ চৰকাৰ হ’লে কি কি কাম কৰিব তাৰো বিশেষ পাঁচটা প্ৰতিশ্ৰুতি ঘোষণা কৰে অখিল গগৈয়ে।
ইপিনে ২০০২৬ লৈ বিৰোধী এক হৈয়ে নিৰ্বাচন খেলিব বিচাৰে যদিও এইক্ষেত্ৰত কংগ্ৰেছে গঠন ৰাজনীতি এৰিলেহে সম্ভৱ হ’ব বুলি ব্যক্ত কৰে ৰাইজৰ দলৰ সভাপতি গৰাকীয়ে। সমাবেশত ৰাইজৰ দলৰ শিৱসাগৰ জিলা সভাপতি মুনিন্দ্ৰ লাহন, ধৈৰ্য কোঁৱৰসহ প্ৰায়বিলাক বিষয়ববীয়া উপস্থিত থাকে
