ডিজিটেল ডেস্ক, A NEWS24x7: সোমবাৰে পুৱা ৭ বজাৰ পৰা নাগালেণ্ড বিধানসভাৰ ৬০টা বিধানসভা সমষ্টিৰ ভিতৰত ৫৯টা সমষ্টিৰ ভোটগ্ৰহণ আৰম্ভ হৈছে। বিয়লি ৪ বজালৈকে চলিব ভোটগ্ৰহণ প্ৰক্ৰিয়া।
২ মাৰ্চত ভোটগণনা হ’ব। মুঠ ১৩ লাখৰো অধিক ভোটাৰে ১৮৩ জন প্ৰাৰ্থীৰ নিৰ্বাচনী ভাগ্য নিৰ্ণয় কৰিব। নিৰ্বাচনত মুঠ ১৯ গৰাকী প্ৰাৰ্থীয়ে নিৰ্দলীয় হিচাপে প্ৰতিদ্বন্দ্বিতা আগবঢ়াইছে।
ভোটাৰসকলৰ ভিতৰত আছে ৬,৪৭,৫২৩জন পুৰুষ আৰু ৬,৪৯,৮৭৬গৰাকী মহিলা ভোটাৰ। ২,২৯১টা ভোটকেন্দ্ৰত অনুষ্ঠিত হৈছে ভোটগ্ৰহণ প্ৰক্ৰিয়া।
উল্লেখযোগ্য যে, জুনহেবোটো জিলাৰ আকুলুটো আসনত বিনা প্ৰতিদ্বন্দ্বিতা লাভ কৰে বিজেপিৰ প্ৰাৰ্থী তথা বিধায়ক কাজেটো কিনিমিয়ে।
