চিৰদিনলৈ গ’লগৈ…গানবোৰত জীয়াই ৰাখিব লাগিব সৰুসজাইত কেৱল মানুহ আৰু মানুহ। । লাখ লাখ অনুৰাগীয়ে সৰুসজাইত প্ৰিয় শিল্পীক জনালে শ্ৰদ্ধাঞ্জলি।
জুবিনময় হৈ পৰিছে ৰাজ্যৰ আকাশ-বতাহ। লাখ লাখ গুণমুগ্ধই সংগ দিছে প্ৰিয় শিল্পী জুবিন গাৰ্গৰ অন্তিম যাত্ৰাত।কেতিয়াও অসমে নেদেখা পৰিৱেশ। এয়াই শিল্পী জুবিন গাৰ্গৰ প্ৰতি মৰম। ৰাজ্যৰ আকাশে-বতাহে জয় জুবিনদা ধ্বনি।
ঘূৰি নহাৰ বাটেৰে তৰাৰ দেশলৈ গ’লগৈ অসমীয়াৰ অমূল্য সম্পদ জুবিন। শেষবাৰৰ বাবে চাবলৈ আহি সকলোৱে একেলগে কৈছে – ‘জয় জুবিনদা’।প্ৰিয় শিল্পী জুবিন গাৰ্গৰ অগণিত অনুৰাগী। শেষ বিদায় জনাবৰ বাবে সৰুসজাই ষ্টেডিয়ামত অজস্ৰ গুণমুগ্ধ।এয়াই জুবিন গাৰ্গৰ জনপ্ৰিয়তা। দূৰ-দূৰণিলৈ কেৱল মানুহ আৰু মানুহ। চিৰনিদ্ৰাত জুবিন গাৰ্গ। শেষ বিদায় জনাবলৈ আহিল লাখ লাখ লোক।
কাহিলীপাৰাৰ ঘৰৰ পৰা সৰুসজাইলৈ জুবিনৰ নশ্বৰ দেহ। অশ্ৰুসিক্ত নয়নেৰে মৰমৰ গ’ল্ডিক বিদায় পিতৃ, পত্নী গৰিমাৰ। সৰুসজাইৰ ৰাজহুৱা শ্ৰদ্ধাঞ্জলি জুবিনলৈ। ৰাজ্যৰ ভিন্ন প্ৰান্তৰ পৰা সৰুসজাইলৈ বৈছে জনস্ৰোত।
‘আজি জুবিন থকা হ’লে আপোনালোকক কিমান কৃতজ্ঞতা জনালেহেঁতেন। এতিয়া তেওঁ শব্দৰে একো প্ৰকাশ কৰিব নোৱাৰে। তেওঁৰ হৈ এতিয়া মই আপোনালোকক কৃতজ্ঞতা জনাইছো’। কান্দি কান্দি লাখ লাখ জুবিন অনুৰাগীক বাৰ্তা গৰিমা শইকীয়া গাৰ্গৰ।
এজাক বৰষুণে মোক ধুই থৈ গ’ল…। আজি প্ৰকৃতিয়েও যেন কান্দিছে। প্ৰচণ্ড বৰষুণৰ মাজতো প্ৰিয় শিল্পীক শেষবাৰৰ বাবে চোৱাৰ ইচ্ছা।
