সামাজিক মাধ্যমত ঘৰিয়ালৰ চকুপানী টুকিবলৈ আহিল শ্যামকানু মহন্ত। শেষ সময়ত জুবিন গাৰ্গক অকলশৰে এৰি থোৱা শ্যামকানুৱে দিবলৈ আহিছে স্পষ্টীকৰণ। কি কলে শ্য়ামকানুৱে….
‘কেইটামান কথা ৰাইজৰ আগত কোৱাৰ বাবে আহিলো। জুবিনৰ ঘটনাটোৰ পিছত চাৰিওপিনে বিৰাট ৰাইজ দুখত ম্ৰিয়মান হৈছে। আমাৰ বুকুৰ আপোন, মোৰ একে লগৰ ফিল’ছফাৰ, ফ্ৰেণ্ড, গাইড মানুহজন ঢুকুৱাৰ পিছত আমি খুব ম্ৰিয়মান অৱস্থাত আছো আৰু কিছুমান কথা ক’বলৈ ওলাই আহিছো। ইমান বেছি ভুৱা কেম্পইন হোৱা কাৰণে আমি কথাখিনি ক’বলৈ চেষ্টা কৰিছো। মই গুৱাহাটীলৈ যোৱাৰ কথা আছিল আজি, কিন্তু মোলৈ ইমানেই বেছি মেছেজ আহিছে যে আহিলে মাৰিম, কাটিম। কেইবা হাজাৰ মেছেজ আহিছে যে গুৱাহাটীলৈ গ’লে কাটিম বুলি। সেই প্ৰেক্ষাপটত যাব পৰা নাই। সেই সময়ত খুব মন আছিল গৰিমাৰ ওচৰত থিয় দিয়াৰ। মোৰ পৰিয়ালৰ নিচিনা, মোৰ ভগ্নী গৰিমা। এই ঘটনাৰ পিছত থিয় দিব পৰা নাই কিন্তু কিয় পৰা নাই ৰাইজ গম পাইছে, কাৰণ মোক ভাবুকি দিয়া হৈছে।’
আচলতে জুবিন গাৰ্গৰ মৃত্যুত আমি দোষী নেকি? কিছুদিন ধৰি ছচিয়েল মিডিয়াত কিছুমান ব্যক্তিয়ে টিআৰপিৰ আশাত আমাকে দোষী সজালে। কিন্তু কথাটো কি? জুবিন গাৰ্গক আমি কিয় মাতি আনিছিলো? আমি যিটো নৰ্থ ইষ্ট ফেষ্টিভেল ডিল কৰো, সেইটো উত্তৰ পূবৰ বিভিন্ন সংস্কৃতি, ভাষা-সাহিত্য বা পৰ্যটনৰ প্ৰসাৰ কৰা হয়। প্ৰথম ২০১৩ চনত পাতোতে আমি জুবিন গাৰ্গৰ লগতে কথা পাতিছিলো। তেখেতেই আমাক ব্ৰেণ্ড এম্বেছাডৰ হিচাপে গাইড কৰিছিল যে মই সংপৃক্ত থাকিব, অনুষ্ঠানটো আমি একেলগে কৰিম। টিভিত বা বিভিন্ন মিডিয়াত তেওঁ স্পষ্টভাৱে কৈছে যে শ্যামকানুৰ সৈতে মিলি আমি নৰ্থ ইষ্ট ফেষ্টিভেল পাতিম দিল্লীত বা বিশ্বৰ বিভিন্ন ঠাইত। তেওঁ নিজে সংপৃক্ত আছে বুলি বহু ভিডিঅ’ আছে মই আপোনালোকক জনাম, দেখুৱাম। এই ব্যক্তিজন, আমি বাহিৰত যেতিয়া অনুষ্ঠান কৰো, য’তেই কৰো আলোচনা কৰি কৰো। যিহেতু আমাৰ ব্ৰেণ্ড এম্বেছাডৰ, আমি বিদেশত কৰিলেও দুয়োবাৰে তেওঁ বেংককত গৈছিল। আৰু যেতিয়া আমি ছিংগাপুৰত কৰিবলৈ গ’লে তেখেতক আমি ক’লো যে ছিংগাপুৰত কৰিব বিচাৰিছো, আমাৰ গোটেই প্ৰগ্ৰেমটো এনেকুৱা হ’ব। তেখেতক ক’লে তুমি যাবা নেকি। তেখেতে ক’লে যাম, লগত মোৰ ভাতৃ সন্দীপনক লৈ যাম, মেনেজাৰ সিদ্ধাৰ্থ যাব আৰু শেখৰ যাব। এনেকে ক’লে, কোৱাৰ পিছত আমি পিছত এগৰাকী সংগীত শিল্পীও আহিলে। কোৱাৰ পিছত আমি আয়োজন কৰাৰ প্ৰক্ৰিয়া আৰম্ভ কৰিলো।
প্ৰথম কথা শ্ৰদ্ধেয় ৰাইজ, জুবিন গাৰ্গক মতাটো পাপ নহয়। উত্তৰ পূবৰ আটাইতকৈ ডাঙৰ অনুষ্ঠান নৰ্থ ইষ্ট ফেষ্টিভেললৈ উত্তৰ পূবৰ আটাইতকৈ ডাঙৰ সংগীত শিল্পীক নিমন্ত্ৰণ কৰাটো, আৰু যিহেতু আমাৰ ব্ৰেণ্ড এম্বেছাডৰো হয়, আমাৰ লগত সংপৃক্ত হয় আৰু তেখেতক মতাটো পাপ কৰা নাছিলো। সেইটো আমাৰ দায়িত্ব আছিলে তেখেতক নিমন্ত্ৰণ কৰাটো। তেখেত কিয় ১৭ তাৰিখে আহিল সেই প্ৰশ্ন হৈছে, তাৰ আগতে অসুস্থ দেহােৰ আহিছে বুলি বহুতে লিখিছে। কিন্তু তাৰ দুদিনমানৰ আগতে তেখেতে ৭ ছেপ্টেম্বৰ মুম্বাইত খুব ধুনীয়া পাৰফৰমেন্স কৰিছে। আৰু ১ তাৰিখে নে ৩ তাৰিখে দিল্লীত এটা পূজাত অনুষ্ঠান কৰাৰ কথা আছিল, সম্পূৰ্ণ কনচাৰ্ট বা মিউজিকেল প্ৰগ্ৰেম কৰাৰ কথা আছিল। কেইবাটাও প্ৰগ্ৰেম তেওঁৰ লাইনত আছিল, তেখেতে প্ৰগ্ৰেম কৰি আছিল। গতিকে অসুস্থ দেহাৰে আমি অনাটো আমাক অতি ভুল দোষাৰোপ কৰা হৈছে।
তৃতীয় কথাটো হৈছে, তেখেতে ১৭ তাৰিখে এইকাৰণে আহিল, কাৰণ সেইদিনাখন ডাইৰেক্ট ফ্লাইট আছিলে। কাৰণ কলিকতা হৈ আহিলে বহু দীঘলীয়া হয়, ১৯ তাৰিখে আমাৰ অনুষ্ঠান আৰম্ভ হয়, গতিকে ১৭ তাৰিখে দ্ৰুক ফ্লাইটত তেওঁ আহিছিল, লগতে দলটো আহিছিল। আমি পেন পেচিফিক হোটেলত ৰাখিছিলো। আমাৰ য’ত অনুষ্ঠান হৈছিল তাৰ লগতে, ছাণ্টিকোৰ লগতে পেন পেচিফিক, এখন ফাইফষ্টাৰ হোটেল, সকলো দলটোক আমি ৰাখিছিলো, ভালকে ৰখাৰ চেষ্টা কৰিছিলো। আমি তেওঁৰ লগত কথা পাতিছিলো, তেওঁ কৈছিলে যে তেওঁ অলপ জিৰণি ল’ম। ১৯ তাৰিখে আৰম্ভণি অনুষ্ঠানত তেওঁ থাকিব আৰু ২০ তাৰিখে দুটামান গান গাব। ভূপেন হাজৰিকাক ট্ৰিবিউট দিব। এইটোৱে আলোচনা আমাৰ হৈছিল। ১৯ তাৰিখে আমাৰ অনুষ্ঠান আছিল, ১৮ তাৰিখৰ দিনাখন তেখেতৰ খবৰ কৰো, তেওঁ শুই আছিল, আমাৰ বিভিন্ন উত্তৰ-পূবৰ মানুহ আছিল, তেওঁৰ লগত তেওঁৰ ভায়েক আছিল আৰু সিদ্ধাৰ্থ আছিল, মেনেজাৰ । ১৯ তাৰিখৰ দিনা ঘটনাটো ঘটিল যেতিয়া আমাৰ সেইদিনাখন উত্তৰ-পূবৰ বিভিন্ন মন্ত্ৰী-বিষয়াৰ লগত আমাৰ এখন মিটিং চলি আছিল। তাত আমি ৰাতিপুৱা গৈছিলো। তেতিয়াই ঘটনাটোৰ কথা সিদ্ধাৰ্থই মোক ফোন কৰিছিল ৩.৩০ মান বজাত। আমাৰ মিটিং আৰম্ভ হৈছিল ১২.৩০ বজাত। সেইবাবে ১১, ১১.৩০ মানতে মই ছাংগ্ৰিলা হোটেলত গৈছিলো আৰু তাত ৩.৩০ মান বজাত আমি গম পাইছিলো যে এনেকুৱা ঘটনা এটা ঘটিছে। সিদ্ধাৰ্থই ফোন কৰিছিল, ক’ত ঘটিছে কেনেকে ঘটিছিল আমি একো গম পোৱা নাছিলো। লগে লগে তাকে লৈ বহুখিনি ফোন আহিছিল, কিন্তু মই উত্তৰ দিব পৰা নাছিলো। ইমান ডাঙৰ ঘটনাটো, আমাৰ বুকুৰ আপোন মানুহজন, ইমান ডাঙৰ ঘটনা ঘটিছে, কথাটো আমাৰ কাৰণে এটা থতমতৰ নিচিনা হ’ল। আৰু লগে লগে দূতাবাসৰ লগত কথা পাতি তালৈ গ’লো আৰু ঘটনাটো হ’ল। এই ঘটনাটোৱে সকলোকে মুখৰ মাত নাইকিয়া কৰিলে। গম পাই লগে লগে আমাৰ অনুষ্ঠানটো বাতিল কৰা বুলি হাই কমিচনাৰে নিজেই ঘোষণা কৰিলে। অনুষ্ঠান তাতেই বাতিল কৰা হ’ল। তাৰ পিছতো কোনোবাই উলিয়াইছে যে প্ৰগ্ৰেম কৰি আছিলো বুলি। কিন্তু আচলতে ভাৰতৰ ৰাষ্ট্ৰদূতে সেই ঘোষণা কৰিছিল যে অনুষ্ঠানটো সম্পূৰ্ণ বাতিল কৰা হৈছিল।
