ডিজিটেল ডেস্ক, ANEWS24X7: আজি অসম বিখ্যাত সংগীত শিল্পী ঊষা মংগেশকাৰক প্ৰদান কৰিব ড০ ভূপেন হাজৰিকা আন্তঃৰাষ্ট্ৰীয় সমন্বয় বঁটা।
এই বঁটা গ্ৰহণ কৰিবলৈকে ইতিমধ্য মুম্বাইৰ পৰা অসমত আহি উপস্থিত হৈছেহি ঊষা মংগেশকাৰ। কণ্ঠশিল্পী গৰাকীৰ লগত আহিছে ভতিজা আদিনাথ মংগেশকাৰ আৰু বোৱাৰী কৃষ্ণা মংগেশকাৰ।
সোমবাৰে নিশা তিনিওগৰাকী বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত উপস্থিত হয়। ইয়াতেই অসম সাহিত্য সভাই তিনিওকে উষ্ম আদৰণি জনায়।
আজি গণেশগুৰিৰ নেডফি হাতত বিয়লি অনুষ্ঠিত হ’বলগীয়া বঁটা প্ৰদান অনুষ্ঠানত কণ্ঠশিল্পী গৰাকীক বঁটা প্ৰদান কৰা হ’ব। ৰাজ্যপাল জগদীশ মুখী আৰু সভাৰ সভাপতি ড০ কুলধৰ শইকীয়াই এই বঁটা প্ৰদান কৰিব।
