ডিজিটেল ডেস্ক,Anews24×7: জনপ্ৰিয় ৰিয়েলিটী শ্ব “ঝলক দিখ লা যা ছিজন ১০” ৰ খিতাপ অৰ্জন কৰিবলৈ সক্ষম হল অসমৰ গুঞ্জন সিনহা।
৮ বছৰীয়া গুঞ্জন সিনহা এই অনুষ্ঠানটোৰ বিজয়ী হৈ লাভ কৰে এটা জিলিকি থকা ট্ৰফী আৰু ২০ লাখ টকা। এই বটা প্ৰদান কৰে বিচাৰক বিচাৰক মাধুৰী দীক্ষিত, কৰণ জোহৰ, টেৰেঞ্চ লুইছ আৰু নোৰা ফাতেহীয়ে। গুঞ্জনৰ কোৰিঅ’গ্ৰাফাৰ হৈছে তেজছ বাৰ্মা আৰু সাগৰ বৰা।
গুঞ্জনে কয় যে, তাই অতি সোনকালেই নিজ চহৰলৈ উভতি আহিব। গুঞ্জনে এতিয়া তাইৰ পঢ়া শুনা আৰু বিদ্যালয়ত মনোনিবেশ কৰিব। গুঞ্জনে কয় যে,”মই কেতিয়াও পঢ়া শুনা এৰি দিয়া নাছিলো কিয়নো মই অনলাইন শ্ৰেণী কৰি আছিলো। কিন্তু মই স্কুলত মোৰ বন্ধুবৰ্গক লগ পাবলৈ উৎসাহিত। মই পঢ়া শুনা সম্পূৰ্ণ কৰাৰ লগে লগে মোৰ নৃত্যত মনোনিবেশ কৰি যাম।”
