ডিজিটেল ডেস্ক, A NEWS 24×7 : ৩১ ডিচেম্বৰত মহানগৰীৰ যান বাহন চালকৰ বাবে ১০ টা নিয়ম সদৰি কৰিছে অসম আৰক্ষীয়ে। নিয়ম পৰিহাৰ কৰিলেই সন্মুখিন হ’ব লাগিব কঠোৰ শাস্তিৰ।
১/ অনুজ্ঞাপত্ৰবিহীনভাৱে ৰাজপথত চলাব নোৱাৰিব যান-বাহন।
২/ সুৰাপান কৰি যান বাহন চলোৱাত নিষেধাজ্ঞা।
৩/ যান-বাহন চোলাৱাৰ সময়ত মোবাইল ফোনৰ ব্যৱহাৰত নিষোধাজ্ঞা আৰোপ।
৪/ সুৰক্ষাজনিত কাৰণৰ বাবে বাৰ, ৰেষ্টুৰেণ্ট , ক্লাব, শ্বপিং মলৰ পাৰ্কিংস্থলীত চিচিটিভি কেমেৰা লগোৱাটো বাধ্যতামূলক।
৫/ নিশাৰ ভাগত চলাচল কৰা বাহনত থাকিব লাগিব পৰ্যাপ্ত লাইট। লগতে বাৰ, ৰেষ্টুৰেণ্ট , ক্লাব আদিতো পৰ্যাপ্ত পৰিমাণৰ পোহৰৰ ব্যৱস্থা কৰিব লাগিব।
৬/ বনভোজস্থলীত সুৰা ক্ৰয়-বিক্ৰয়ৰ লগতে সুৰাপান কৰাতো বাধা।
৭/ এটা পৰিয়ালৰ লোকে ২ খন ৩ খন বাহনৰ ব্যৱহাৰৰ বিপৰীতে ১ খন বাহন ব্যৱহাৰ কৰিব পাৰিব।
৮/ নিৰ্দিষ্ট পথত হে চলাব পাৰিব বাহন। পথ সলনি কৰিলে বা বিপৰীতে পথ ব্যৱহাৰ কৰিলে সন্মুখিন হ’ব জৰিমনাৰ।
৯/ কোনো আৰক্ষীয়ে বেয়া ব্যৱহাৰ কৰিলে লগে লগে নির্দিষ্ট থানাত অথবা যানবাহন আৰক্ষীৰ DCPক অভিযোগ দিয়াৰ আহ্বান।
১০/ শান্তি-শৃংখলা বজাই ৰাখিবলৈ আহ্বান যান-বাহন আৰক্ষীৰ।
উল্লেখ্য যে, ২০ তাৰিখ পৰা ২৮ তাৰিখ পৰ্যন্ত বিগত ৮ দিনত সুৰাপান কৰি গাড়ী চলোৱা ৩৭৫ জনক জৰিমনা বিহিছে আৰক্ষীয়ে।
