অংকুৰ ডেকা, মৰিগাঁও: সমগ্ৰ ৰাজ্যৰ লগতে মৰিগাঁও জিলাৰ কস্তুৰবা গান্ধী বালিকা বিদ্যালয়ত শিক্ষয়িত্ৰী আৰু কৰ্মচাৰীবৃন্দৰ তত্বাৱধানত বিষ্ণু ৰাভা দিৱস উদযাপন কৰা হয়। অনুষ্ঠানৰ আৰম্ভণিতে শিক্ষয়িত্ৰীসকলে বন্তি প্ৰজ্বলন কৰি সৈনিক শিল্পী গৰাকীলৈ শ্ৰদ্ধাঞ্জলি নিৱেদন কৰে ।
আনহাতে বিদ্যালয়ৰ ছাত্ৰীসকলে সমবেত সংগীত পৰিবেশন কৰা অনুষ্ঠানৰ উদ্দেশ্যে ব্যাখ্যা কৰে বিদ্যালয়ৰ ৱাৰ্ডেন তথা অধীক্ষকে । তদুপৰি বিদ্যালয়ৰ প্ৰধান শিক্ষয়িত্ৰীয়ে বিষ্ণুৰাভাৰ জীৱন দৰ্শন সন্দৰ্ভত বক্তব্য আগবঢ়ায়। উল্লেখযোগ্য যে বিষ্ণু ৰাভা দিৱস উদ্ যাপন উপলক্ষে ছাত্ৰীসকলৰ মাজত কুইজ,একক সঙ্গীত , একক নৃত্য প্ৰতিযোগিতা অনুষ্ঠিত কৰা হয়।
অনুষ্ঠানত সমগ্ৰ শিক্ষা মৰিগাঁৱৰ জিলা আচঁনি বিষয়া ৰোহিনী কুমাৰ দত্ত আৰু ৰাজীৱ মেধি প্ৰমুখ্যে কেইবাগৰাকীও বিশিষ্ট ব্যক্তি উপস্থিত থাকে।
